കാസർകോട്: രാഷ്ട്രീയ നേതൃത്വവും മതപണ്ഡിതരും ഒരുമിച്ച് നിൽക്കുന്നതാണ് കേരളത്തിന്റെ പാരമ്പര്യമെന്നും അത് തകർക്കരുതെന്നും മുസ്‌ലിം ലീഗ് സംസ്ഥാന അദ്ധ്യക്ഷൻ പാണക്കാട് സാദിഖലി ശിഹാബ് തങ്ങൾ. ഉമർ ഫൈസി മുക്കത്തിന് മറുപടിയായി കാഞ്ഞങ്ങാട് സംയുക്ത മുസ്‌ലിം ജമാ അത്ത് യോഗത്തിൽ സംസാരിക്കുകയായിരുന്നു അദ്ദേഹം
സമസ്തയുടെയും ലീഗിന്റെയും ഐക്യം തകർക്കാൻ ശത്രുക്കൾ ശ്രമിക്കുന്നു. ചിലർ ശത്രുക്കൾക്കൊപ്പം നിൽക്കുന്നു. അവരെ സ്‌നേഹത്തോടെ തിരുത്തണമെന്നും പാണക്കാട് സാദിഖലി ശിഹാബ് തങ്ങൾ കൂട്ടിച്ചേർത്തു. അതേസമയം, മുസ്‌ലിം ലീഗ്-സമസ്ത ഐക്യം നിലനിൽക്കണമെന്ന് സമസ്ത കേരള ജംഇയ്യത്തുൽ ഉലമ അദ്ധ്യക്ഷൻ ജിഫ്രി മുത്തുക്കോയ തങ്ങളും പറഞ്ഞു. ഐക്യം തകർക്കാൻ ‘ശെയ്ത്താൻ’ പ്രവർത്തിക്കുന്നുണ്ട്. വ്യാജ വാർത്തകൾ പ്രചരിപ്പിക്കപ്പെടുന്നു. പറയാത്ത കാര്യങ്ങൾ വാർത്തയാകുന്നുവെന്നും ജിഫ്രി മുത്തുക്കോയ തങ്ങൾ പറഞ്ഞു.
