ബീ​ച്ചു​ക​ളി​ൽ സു​ര​ക്ഷ ഒരുക്കുന്നതിൽ അനാസ്ഥ​ തുടർന്ന് ന​ഗ​ര​സ​ഭ​

പ​റവൂ​ർ: വി​നോ​ദ​സ​ഞ്ചാ​ര സീ​സ​ണാ​യി​ട്ടും ബീ​ച്ചു​ക​ളി​ൽ സു​ര​ക്ഷ ഒരുക്കുന്നതിൽ അനാസ്ഥ​ തുടർന്ന് ന​ഗ​ര​സ​ഭ​യും ടൂ​റി​സം വകുപ്പും. കാ​പ്പി​ൽ, തെ​ക്കും​ഭാ​ഗം, പൊ​ഴി​ക്ക​ര എ​ന്നീ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ വി​ദേ​ശീ​യ​രും ത​ദ്ദേ​ശീ​യ​രു​മാ​യ സ​ഞ്ചാ​രി​ക​ളു​ടെ തി​ര​ക്ക് വ​ർ​ധി​ക്കുകയാണ്, എന്നാൽ അ​വ​ർ​ക്കാ​വ​ശ്യ​മാ​യ സു​ര​ക്ഷ തീ​ര​ങ്ങ​ളി​ൽ ഒ​രു​ക്കു​ന്നി​ല്ല. ഇതേ തുടർന്ന് തീ​ര​ങ്ങ​ളി​ൽ സ​ഞ്ചാ​രി​ക​ളു​ടെ ജീ​വ​നു​ക​ൾ ക​ട​ലെ​ടു​ക്കു​ക​യാ​ണ്. ഒ​രു​വ​ർ​ഷ​ത്തി​നി​ടെ വി​ദേ​ശ സ​ഞ്ചാ​രി​ക​ൾ ഉ​ൾ​പ്പെ​ടെ എ​ട്ടു പേ​രു​ടെ ജീ​വ​നാ​ണ് കാ​പ്പി​ൽ ക​ട​ലി​ൽ പൊ​ലി​ഞ്ഞ​ത്.

തെ​ക്കും ഭാ​ഗം, പൊ​ഴി​ക്ക​ര തീ​ര​ങ്ങ​ളി​ൽ ലൈ​ഫ് ഗാ​ർ​ഡു​ക​ളി​ല്ല. പു​തി​യ ലൈ​ഫ് ഗാ​ർ​ഡു​ക​ൾ​ക്ക് പ​രി​ശീ​ല​നം ന​ൽ​കി​യി​ട്ടു​മി​ല്ല. ടൂ​റി​സം പൊ​ലീ​സു​കാ​രു​ടെ​യും അ​ഗ്നി​ര​ക്ഷാ​സേ​ന ഉ​ദ്യോ​ഗ​സ്ഥ​രു​ടെ​യും സേ​വ​ന​മി​ല്ല. സു​ര​ക്ഷാ ക്യാ​മ​റ​ക​ൾ കേ​ടാ​യി കേ​ബി​ളി​ൽ തൂ​ങ്ങി​യാ​ടു​ന്ന നി​ല​യി​ലു​മാ​ണ്. തു​ട​ർ​ച്ച​യാ​യ അ​പ​ക​ട​ങ്ങ​ളും ക​ള്ള​ക്ക​ട​ൽ പ്ര​തി​ഭാ​സ​വും കാ​ര​ണം ക​ട​ലി​ൽ ഇ​റ​ങ്ങു​ന്ന​തി​ന് നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്.

Also Read: തൃശ്ശൂരിൽ ട്രെയിൻ തട്ടി സ്ത്രീയുടെ കാലുകൾ നഷ്ടപ്പെട്ടു

പ​ക്ഷേ അ​തു​സം​ബ​ന്ധി​ച്ച മു​ന്ന​റി​യി​പ്പ് ന​ൽ​കാ​ൻ മ​ത്സ്യ​തൊ​ഴി​ലാ​ളി​ക​ൾ മാ​ത്ര​മാ​ണു​ള്ള​ത്. ക​ട​ലി​ൽ മ​ണ​ൽ​ത്തി​ട്ട​യും തൊ​ട്ട​ടു​ത്ത് കു​ഴി​ക​ളു​മു​ണ്ടാ​കും. മ​ണ​ൽ​ത്തി​ട്ട​യി​ലൂ​ടെ ന​ട​ന്ന് കു​ഴി​യി​ലും അ​ടി​യൊ​ഴു​ക്കി​ലും​പെ​ട്ടാ​ണ് കാ​പ്പി​ൽ തീ​ര​ത്ത് മ​ര​ണ​ങ്ങ​ളു​ണ്ടാ​യ​ത്. കാ​പ്പി​ലി​ൽ മാ​ത്രം ഒ​രു വ​ർ​ഷ​ത്തി​നി​ടെ എ​ട്ടു​പേ​ർ​ക്ക് ക​ട​ലി​ൽ ജീ​വ​ൻ ന​ഷ്ട​മാ​യി. ഇ​വി​ടെ ഒ​രു ലൈ​ഫ് ഗാ​ർ​ഡ് മാ​ത്ര​മാ​ണു​ള്ള​ത്.

ലൈ​ഫ് ഗാ​ർ​ഡു​ക​ളു​ടെ കു​റ​വും ആ​വ​ശ്യ​മാ​യ സു​ര​ക്ഷാ​വേ​ലി ഇ​ല്ലാ​ത്ത​തും വ​ഴി​വി​ള​ക്കു​ക​ൾ ക​ത്താ​ത്ത​തു​മാ​ണ് അ​പ​ക​ട​സാ​ധ്യ​ത സൃ​ഷ്‌​ടി​ക്കു​ന്ന​ത്. ടൂ​റി​സം വ​കു​പ്പ് സ്ഥാ​പി​ച്ച സു​ര​ക്ഷാ കാ​മ​റ​ക​ളെ​ല്ലാം ന​ശി​ച്ച​തും സു​ര​ക്ഷാ ഭീ​ക്ഷ​ണി​യാ​ണ്. പൊ​ഴി​ക്ക​ര തീ​ര​ത്ത് ആ​ഭ്യ​ന്ത​ര സ​ഞ്ചാ​രി​ക​ൾ കൂ​ട്ട​മാ​യി എ​ത്തി​ത്തു​ട​ങ്ങി​യ​പ്പോ​ൾ അ​ക്ര​മ​സം​ഭ​വ​ങ്ങ​ളും വ​ർ​ധി​ച്ചി​ട്ടു​ണ്ട്. പൊ​ലീ​സി​ന്‍റെ നീ​രീ​ക്ഷ​ണ​വും കു​റ​വാ​ണ്. കാ​പ്പി​ലി​ൽ എ​ല്ലാ ആ​ഴ്ച​യി​ലും സ​ഞ്ചാ​രി​ക​ൾ​ക്ക് തി​ര​യി​ൽ​പ്പെ​ട്ട് അ​പ​ക​ട​മു​ണ്ടാ​കു​ന്നു​ണ്ട്. ലൈ​ഫ് ഗാ​ർ​ഡു​ക​ളു​ടെ നി​ർ​ദേ​ശ​ങ്ങ​ൾ അ​വ​ഗ​ണി​ച്ചും ക​ട​ലി​ന്റെ സ്വ​ഭാ​വം അ​റി​യാ​തെ​യും കു​ളി​ക്കാ​നി​റ​ങ്ങു​ന്ന​വ​രാ​ണ് അ​പ​ക​ട​ത്തി​ൽ​പ്പെ​ടു​ന്ന​ത്.