ഫുജൈറ: പരിശീലന വിമാനം തകർന്ന് യു.എ.ഇയിൽ പരിശീലകനായ പൈലറ്റ് മരിച്ചു. ചൊവ്വാഴ്ച ഫുജൈറ കടൽത്തീരത്ത് നിന്നാണ് മൃതദേഹം കണ്ടെത്തിയത്. അതേസമയം കൂടെയുണ്ടായിരുന്ന ട്രെയിനിയെ അപകടത്തിൽ കാണാനില്ല. ട്രെയിനിക്കായുള്ള തിരച്ചിൽ തുടരുകയാണെന്ന് യു.എ.ഇ ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു.
എവിടെ നിന്നാണ് വിമാനം പറന്നുയർന്നതെന്ന് വ്യക്തമല്ലെങ്കിലും ടേക്ക് ഓഫ് ചെയ്ത് മിനിട്ടുകൾക്കകമാണ് റഡാറുമായുള്ള ബന്ധം നഷ്ടപ്പെട്ടത്. തുടർന്ന് ഏവിയേഷൻ അതോറിറ്റിക്ക് റിപ്പോർട്ട് ചെയ്തതോടെയാണ് അപകടത്തിന്റെ വിവരം പുറം ലോകമറിയുന്നത്. അപകടത്തിന്റെ കാരണം ഇതുവരെ വ്യക്തമല്ല. കൂടുതൽ അന്വേഷണം ആരംഭിച്ചതായി അധികൃതർ അറിയിച്ചു.
