അല്ലു അര്‍ജുനും സുകുമാറും ഒന്നിക്കുന്ന പുഷ്പ 2 ഇന്ത്യന്‍ സിനിമ ഏറെ പ്രതീക്ഷയോടെ കാത്തിരിക്കുന്ന പ്രൊജക്ടുകളില്‍ ഒന്നാണ്. ഇപ്പോള്‍ ചിത്രത്തിന്റെ ഒരോ അപ്‌ഡേറ്റും വളരെ താല്‍പ്പര്യത്തോടെയാണ് ആരാധകര്‍ ഏറ്റെടുക്കുന്നത്. പുഷ്പയുടെ ആദ്യ ഭാഗത്തിന്റെ ഹൈലൈറ്റുകളില്‍ ഒന്നായിരുന്നു സാമന്ത അവതരിപ്പിച്ച ഡാന്‍സ് നമ്പര്‍. രണ്ടാം ഭാഗത്തിലും ഇത്തരത്തില്‍ ഒരു ഡാന്‍സ് ഒരുങ്ങുന്നുണ്ട്. ശ്രിലീലയാണ് ഇത് അവതരിപ്പിക്കുന്നത്.
ഇപ്പോഴിതാ, ഗാനരംഗത്തിന്റെ ചിത്രീകരണത്തിനിടെ സോഷ്യല്‍ മീഡിയയില്‍ സ്റ്റില്ലുകള്‍ ചോര്‍ന്നിരിക്കുകയാണ്. നേരത്തെയും പുഷ്പ ഷൂട്ടിംഗ് ലൊക്കേഷനില്‍ നിന്നുള്ള ഫോട്ടോകള്‍ ചോര്‍ന്നിരുന്നു. ഇത് അണിയറപ്രവര്‍ത്തകരില്‍ വലിയ നിരാശയാണ് ഉണ്ടാക്കിയിട്ടുള്ളത് എന്നാണ് വിവരം.
Also Read: സെറ്റിലുള്ള ആർക്കും പ്രണയത്തെ പറ്റി അറിയില്ല, പേരഴകി താനെ
ഡിസംബര്‍ അഞ്ചിനാണ് പുഷ്പ 2 തിയേറ്ററുകളില്‍ എത്തുന്നത്. നേരത്തെ ആഗസ്റ്റില്‍ റിലീസ് ചെയ്യാനിരുന്ന ചിത്രം ചിത്രീകരണം പൂര്‍ത്തിയാവാത്തതിനെ തുടര്‍ന്ന് ഡിസംബറിലേക്ക് നീട്ടുകയായിരുന്നു. പുഷ്പയുടെ റിലീസ് പ്രഖ്യാപിച്ചതോടെ ഡിസംബറില്‍ റിലീസ് ചെയ്യാനിരുന്ന പല ചിത്രങ്ങളും റിലീസ് തിയതിയില്‍ മാറ്റം വരുത്തുന്നുണ്ട്.
