മാഡ്രിഡ്: കഴിഞ്ഞ ദിവസം നടന്ന എൽ ക്ലാസിക്കോ മത്സരത്തിൽ ബാഴ്സിലോണ കൗമാര താരം ലമീൻ യമാലിന് നേരെ വംശീയാധിക്ഷേപം. മത്സരത്തിന്റെ 77ാം മിനിറ്റിൽ ഗോൾ നേടിയ യമാൽ ഓടിച്ചെന്നത് റയൽ മഡ്രിഡ് ആരാധകരുടെ മുന്നിലേക്കാണ്.
അവിടെവെച്ച് ഗോൾ ആഘോഷിക്കവെ താരത്തിന്റെ ആംഗ്യവിക്ഷേപത്തിൽ പ്രകോപിതരായ ചില കാണികളാണ് വംശീയാധിക്ഷേപങ്ങൾ ചൊരിഞ്ഞത്. സംഭവത്തെ സ്പാനിഷ് ലാ ലിഗയും റയൽ മഡ്രിഡ് ക്ലബും അപലപിച്ചു. അതേസമയം കുറ്റക്കാരെ കണ്ടെത്താൻ അന്വേഷണം ആരംഭിച്ചതായി റയൽ അറിയിച്ചു.