ഹരീഷ് ശങ്കര്‍ രചനയും സംവിധാനവും നിര്‍വ്വഹിച്ച് രവി തേജ നായകനാകുന്ന മിസ്റ്റര്‍ ബച്ചന്‍ എന്ന ചിത്രത്തിന്‍റെ ടീസര്‍ പുറത്തെത്തി. 1.38 മിനിറ്റ് ദൈര്‍ഘ്യമാണ് ടീസറിനുള്ളത്. രവി തേജയെ നായകനാക്കി ഹരീഷ് ശങ്കര്‍ ഒരുക്കുന്ന മൂന്നാമത്തെ ചിത്രമാണിത്. ഹരീഷ് ശങ്കരന്റെ ആദ്യ നായകനും രവി തേജയായിരുന്നു.
ചിത്രത്തിലെ മറ്റ് രണ്ട് പ്രധാനകഥാപാത്രങ്ങളായി ഭാഗ്യശ്രീ ബോര്‍സെയും ജഗപതി ബാബുവുമെത്തുന്നുണ്ട്. അയനങ്ക ബോസ് ആണ് ചിത്രത്തിന്‍റെ ഛായാഗ്രഹണം. മിക്കി ജെ മേയര്‍ സംഗീതം, നിര്‍മ്മാണം ടി ജി വിശ്വ പ്രസാദ്, സഹനിര്‍മ്മാണം വിവേക് കുച്ചിബോട്ല, ക്രിയേറ്റീവ് പ്രൊഡ്യൂസര്‍ കൃതി പ്രസാദ്, എഡിറ്റിംഗ് ഉജ്വല്‍ കുല്‍ക്കര്‍ണി, പ്രൊഡക്ഷന്‍ ഡസൈനര്‍ ബ്രഹ്‍മ കഡാലി, സംഘട്ടനം റാം ലക്ഷ്മണ്‍, പൃഥ്വി, തിരക്കഥ രമേശ് റെഡ്ഡി, സതീഷ് വെഗെസ്ന, പ്രവീണ്‍ വര്‍മ്മ, ദത്താത്രേയ, തന്‍വി കേസരി, ചീഫ് കോ ഡയറക്ടര്‍ ബോബി ബണ്ടിഗുപ്താപു, പിആര്‍ഒ വംശി ശേഖര്‍, വിഎഫ്എക്സ് ഡെക്കാണ്‍ ഡ്രീംസ്, മാര്‍ക്കറ്റിംഗ് ഫസ്റ്റ് ഷോ.
ഈഗിള്‍ ആയിരുന്നു രവി തേജയുടെ ഈ വർഷത്തെ ആദ്യ ചിത്രം. രണ്ടാമത്തെ ചിത്രമാണ് മിസ്റ്റര്‍ ബച്ചന്‍. ചിത്രം ഓഗസ്റ്റ് 15 ന് തിയറ്ററുകളിലെത്തും.
