ദോഹ: വടകര പാര്‍ലമെന്റ് മണ്ഡലത്തില്‍ ലോക്‌സഭ തെരഞ്ഞെടുപ്പില്‍ മിന്നും വിജയം കരസ്ഥമാക്കിയ ഷാഫി പറമ്പില്‍ എം.പിക്ക് പ്രവാസികള്‍ ഖത്തറില്‍ സ്വീകരണം നല്‍കുന്നു. ഒക്‌ടോബര്‍ അഞ്ച് ശനിയാഴ്ച വൈകുന്നേരം ആറ് മണി മുതല്‍ അല്‍ അറബ് സ്‌റ്റേഡിയത്തിലാണ് സ്വീകരണം നല്‍കുന്നത് .
സമ്മേളനത്തില്‍ ഷാഫി പറമ്പിലിനു പുറമെ, യു.ഡി.എഫ് നേതാക്കളും പങ്കെടുക്കും. വടകര പാര്‍ലമെന്റ് മണ്ഡലം യു.ഡി.എഫ് കമ്മിറ്റിയുടെ നേതൃത്വത്തില്‍ ആണ് സ്വീകരണ സംഘടിപ്പിച്ചിരിക്കുന്നത്. മുസ്‌ലിം ലീഗ് സംസ്ഥാന സെക്രട്ടറി പാറക്കല്‍ അബ്ദുല്ല, കോഴിക്കോട് ഡി.സി.സി പ്രസിഡന്റ് അഡ്വ. കെ. പ്രവീണ്‍ കുമാര്‍, ആര്‍.എം.പി നേതാവ് കെ. വേണു ഉള്‍പ്പെടെയുള്ള നേതാക്കളും ദോഹയിലെ ഐക്യ ജനധിപത്യ മുന്നണി നേതാക്കളും സാംസ്‌കാരിക പ്രമുഖരും സംബന്ധിക്കും. വോട്ട് അഭ്യര്‍ഥിച്ചുകൊണ്ട് ഖത്തറില്‍ കഴിഞ്ഞ മേയ് മാസത്തില്‍ ഷാഫി പറമ്പില്‍ എത്തിയിരുന്നു.
