നമ്മുടെ ജീവിതശൈലിയും ഭക്ഷണശൈലിയുമൊക്കെ വയർ ചാടുന്നതിൻ്റെ പ്രധാന പ്രശ്നങ്ങളിലൊന്നാണ്. എന്നാൽ പലപ്പോഴും വ്യായാമവും മറ്റും ചെയ്യാനുള്ള സമയം കിട്ടാത്തത് കാരണം പലരും വയർ ചാടുന്ന പ്രശ്നത്തെ പാടെ അവഗണിക്കാറുണ്ട്. അതേസമയം ഇത്തരത്തിൽ വയർ ചാടുന്ന ഈ പ്രശ്നം ശരിയായ രീതിയിൽ നിയന്ത്രിച്ചില്ലെങ്കിൽ പലപ്പോഴും വലിയ രീതിയിലുള്ള മറ്റ് പ്രശ്നങ്ങളിലേക്ക് നയിക്കാനുള്ള സാധ്യത വളരെ കൂടുതലാണ്. അപ്പോൾ നമുക്ക്, എളുപ്പത്തിൽ വയർ കുറയ്ക്കാൻ ആയുർവേദം പറയുന്ന ഒരു സിമ്പിൾ പാനീയം തയാറാക്കുന്നത് എങ്ങനെയെന്ന് നോക്കാം.
മല്ലി
നമ്മുടെ എല്ലാവരുടെയും വീടുകളിലും വളരെ സുലഭമായി ലഭിക്കുന്നതാണ് മല്ലി. ഉയർന്ന അളവിലാണ് ഇതിൽ ഫൈബർ അടങ്ങിയിരിക്കുന്നത്. അതുകൊണ്ട് തന്നെ ഇടയ്ക്കിടെയുള്ള വിശപ്പിൻ്റെ പ്രശ്നം മാറ്റാൻ വളരെ നല്ലതാണ് മല്ലി. നമ്മുടെയിടയിൽ അമിതമായി ഭക്ഷണം കഴിക്കുന്നതും അതുപോലെ ഭക്ഷണത്തിനിടയിലെ ലഘുഭക്ഷണം കഴിക്കുന്ന ശീലം മാറ്റാനും മല്ലി നല്ലതാണ്. വ്യായാമം ചെയ്യുന്ന സമയത്തും ദിവസം മുഴുവൻ കൊഴുപ്പ് വേഗത്തിൽ എരിച്ച് കളയാൻ മല്ലി നല്ലതാണ്. ശരീരഭാരം കുറയ്ക്കാനുള്ള ഏറ്റവും മികച്ച ചേരുവയാണ് മല്ലി. ആയുർവേദപ്രകാരം പിത്ത സംബന്ധമായ പ്രശ്നങ്ങളെ ഇല്ലാതാക്കാൻ മല്ലി നല്ലതാണ്. കൂടാതെ ദഹനം വേഗത്തിലാക്കി ഭക്ഷണം ആഗിരണം ചെയ്യാനും ഇത് സഹായിക്കുന്നു.
പെരുംജീരകം
നമ്മൾ ഉണ്ടാകുന്ന ചിക്കൻ കറിയ്ക്കൊക്കെ വളരെ നല്ല മണവും സ്വാദും നൽകുന്നതാണ് പെരുംജീരകം. പക്ഷെ, ഇത് അമിതവണ്ണം കുറയ്ക്കാനും വളരെ മികച്ചതാണെന്ന് പറഞ്ഞാലോ. ഇതിൽ ഫൈബർ ധാരാളമായി അടങ്ങിയിരിക്കുന്നത് കൊണ്ട് ദീർഘനേരം വയർ നിറഞ്ഞതായി തോന്നാൻ ഇവ സഹായിക്കാറുണ്ട്. മാത്രമല്ല അമിതമായി ഭക്ഷണം കഴിക്കുന്നതും ഇടയ്ക്കിടെയുള്ള ലഘുഭക്ഷണം കഴിപ്പുമൊക്കെ കുറയ്ക്കാൻ ഇത് സഹായിക്കും. മെറ്റബോളിസം മികച്ചതാക്കാനും ഇത് നല്ലതാണ്. ആരോഗ്യകരമായ മെറ്റബോളിസമാണ് പലപ്പോഴും ഭാരം കുറയ്ക്കാൻ സഹായിക്കുന്നത്. ആയുർവേദ പ്രകാരം ദഹന സംബന്ധമായ വേദനകൾ ഇല്ലാതാക്കാൻ നല്ലതാണ്.
ജീരകം
നമുക്കുണ്ടാവുന്ന ദഹന പ്രശ്നങ്ങൾ മാറ്റാൻ ഏറ്റവും ബെസ്റ്റാണ് ജീരകം. ഇത് ഉപയോഗിക്കുന്നത് വയറിനും അതുപോലെ ആമാശയത്തിനും ഒരുപോലെ സുഖം നൽകാറുണ്ട്. ഇതിൽ ധാരാളം ആൻ്റി ഓക്സിഡൻ്റുകൾ അടങ്ങിയിട്ടുണ്ട് എന്നതു ശരീരത്തിൽ നിന്ന് ഹാനികരമായ റാഡിക്കലുകളെ നീക്കം ചെയ്യാനും ഹൃദയാരോഗ്യവും മെറ്റബോളിസവും മെച്ചപ്പെടുത്താനും ജീരകം നമ്മെ ഏറെ സഹായിക്കും. ജീരക വെള്ളത്തിൽ അടങ്ങിയിരിക്കുന്ന വൈറ്റമിൻ എ, സി, കോപ്പർ, മാംഗനീസ് എന്നിവ ശരീരത്തില കൊഴുപ്പ് തകരാൻ ഉത്തേജിപ്പിക്കാനും ശരീരഭരം കുറയ്ക്കാൻ സഹായിക്കുന്ന കുടലിലെ നല്ല ബാക്ടീരിയകളുടെ വളർച്ചയ്ക്കും നല്ലതാണ്. വാത സംബന്ധമായ പ്രശ്നങ്ങളെയും ഇത് കുറയ്ക്കുന്നു.
പാനീയം തയ്യാറാക്കിയാലോ
നമുക്ക് ഇത് രണ്ട് രീതിയിൽ തയാറാക്കാവുന്നതാണ്. നമ്മുടെ കയ്യിൽ ഫിൽറ്റർ ഉള്ള ഗ്ലാസ് ഉണ്ടെങ്കിൽ അങ്ങനെയോ അല്ലെങ്കിൽ വെള്ളം തിളപ്പിച്ചോ ഇത് തയാറാക്കാം. ഇതിനായി ഒരു കപ്പ് വെള്ളം ആദ്യം തിളപ്പിക്കുക. ഇനി ഇതിലേക്ക് 1 ടീ സ്പൂൺ ജീരകം, 1 ടീ സ്പൂൺ പെരുംജീരകം, 1 ടീ സ്പൂൺ മല്ലി എന്നിവ ചേർക്കുക. ശേഷം ഇതൊരു 5 മുതൽ 10 മിനിറ്റ് വരെ തിളപ്പിക്കുക. ഇനി അരിച്ച് എടുക്കുക. അതേസമയം ഈ ഡ്രിങ്ക് ദിവസം മുഴുവൻ വച്ച് കുടിക്കാവുന്നതാണ്. അത് അല്ല എന്നുണ്ടെങ്കിൽ, ഇൻഫ്യൂസർ കപ്പ് ഉപയോഗിച്ച് ഇവയെല്ലാം ചേർത്ത് 8 മിനിറ്റ് തിളപ്പിച്ചും ഈ അത്ഭുത ഡ്രിങ്ക് കുടിക്കാവുന്നതാണ്.
ശ്രദ്ധിക്കു; ആരോഗ്യ വിദഗ്ദ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രമെ ആഹാര ക്രമത്തിൽ മാറ്റം വരുത്തുവാൻ പാടുള്ളു
