വാഷിങ്ടൺ: സാമൂഹ്യ മാധ്യമങ്ങളിൽ നിരവധി ഫോളോവെഴ്‌സുള്ള അണ്ണാൻ ആണ് ‘പീനട്ട്’. peanut_the_squirrel12 എന്ന ഇൻസ്റ്റഗ്രാം അക്കൗണ്ടിൽ പങ്കുവെയ്ക്കപെടാറുള്ള പീനട്ടിന്റെ രസികൻ വീഡിയോകളും ചിത്രങ്ങളും ആരാധകരുടെ മനസ്സു കീഴടക്കിയിരുന്നു. ഇപ്പോഴിതാ ഈ സെലിബ്രറ്റി അണ്ണനെ ദയാവധം ചെയ്‌തെന്നാണ് പുറത്തുവരുന്ന റിപ്പോർട്ടുകൾ. സർക്കാർ സ്റ്റാഫിനെ കടിച്ചതിനെ തുടർന്നാണ് ദയാവധം ചെയ്തതെന്നാണ് റിപ്പോർട്ടുകൾ പറയുന്നത്.
മൃഗങ്ങൾക്ക് സുരക്ഷിതമല്ലാത്ത പാർപ്പിടം ഉണ്ടെന്ന പരാതിയെ തുടർന്ന് ബുധനാഴ്ച സംസ്ഥാന പരിസ്ഥിതി സംരക്ഷണ വകുപ്പ് (ഡിഇസി) പീനട്ടിന്റെ ഉടമയായ മാർക്ക് ലോംഗോയുടെ വീട്ടിൽ റെയ്ഡ് നടത്തുകയും റെയ്ഡ് നടത്തവേ പീനട്ട് റെയ്ഡിന് ഉദ്യോഗസ്ഥരിൽ ഒരാളുടെ കൈയ്യിൽ കടിക്കുകയുമായിരുന്നു എന്നാണ് അന്താരഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.
