ശ്രീനഗർ: ജമ്മു -കശ്മീരിന്റെ പ്രത്യേക പദവി പുനഃസ്ഥാപിക്കാൻ കേന്ദ്രം ചർച്ച തുടങ്ങണമെന്നാവശ്യപ്പെടുന്ന നിയമസഭ പ്രമേയത്തെ പിന്തുണച്ച് പാർട്ടികൾ. പ്രമേയം ചരിത്രപരമാണെന്നും ഇത് പാസാക്കിയ എല്ലാ അംഗങ്ങളെയും അഭിവാദ്യം ചെയ്യുന്നുവെന്നും സി.പി.എം നേതാവും കുൽഗാം എം.എൽ.എയുമായ എം.വൈ. തരിഗാമി പറഞ്ഞു.
പി.ഡി.പി യുവജന നേതാവും പുൽവാമ എം.എൽ.എയുമായ വഹീദ് പർറ പ്രമേയം സ്വാഗതം ചെയ്തു. ഇത് ജമ്മു -കശ്മീരിലെ ജനതയുടെ താൽപര്യ പ്രകാരമുള്ളതാണെന്ന് പർറ വ്യക്തമാക്കി. എന്നാൽ, ചില വാക്കുകൾക്ക് കുറച്ചുകൂടി കരുത്ത് വേണ്ടതായിരുന്നു. ആഗസ്റ്റ് അഞ്ചിലെ സംഭവത്തെ പ്രമേയം അപലപിക്കുന്നില്ല. മാത്രവുമല്ല, പ്രത്യേക പദവി പുനഃസ്ഥാപിക്കണമെന്ന് കൃത്യമായി പറയുന്നുമില്ല. പദവി പുനഃസ്ഥാപനത്തിന് ഒരു ചർച്ചയുടെയും ആവശ്യമില്ലെന്നും അദ്ദേഹം തുടർന്നു.
ALSO READ: സുരേഷ് ഗോപിക്ക് സിനിമാഭിനയത്തിന് അനുമതിയില്ല !
പ്രമേയത്തിൽ സന്തോഷമുണ്ടെന്നും 2019ൽ സംഭവിച്ചത് ജമ്മു- കശ്മീർ ജനതയുടെ താൽപര്യത്തിന് വിരുദ്ധമായ കാര്യമാണെന്നും പീപ്പിൾസ് കോൺഫറൻസ് ചെയർമാനും എം.എൽ.എയുമായ സജാദ് ലോൺ പറഞ്ഞു.
