ലണ്ടൻ: നിസ്റ്റർ റൂയിയെ കയ്യൊഴിഞ്ഞ് മാഞ്ചസ്റ്റർ യുണൈറ്റഡ്. പോർച്ചുഗലുകരാനായ റൂബൻ അമോറിം മുഖ്യപരിശീലക സ്ഥാനത്തേക്ക് എത്തിയതോടെയാണ് ഡച്ച് പരിശീലകനെ യുണൈറ്റഡ് കൈയ്യൊഴിഞ്ഞത്. മാഞ്ചസ്റ്റർ യുണൈറ്റഡ് തന്നെയാണ് റൂയി ക്ലബ് വിടുന്ന വാർത്ത പുറത്തുവിട്ടത്. തോൽവിത്തുടർച്ചകളുടെ നാണക്കേടിൽ മുങ്ങിയതിനെ തുടർന്നാണ് ആദ്യം എറിക് ടെൻ ഹാഗിനെ മുഖ്യ പരിശീലക സ്ഥാനത്ത് നിന്ന് പുറത്താക്കുന്നത്.
തുടർന്നാണ് സഹപരിശീലകനായിരുന്ന മുൻ ഡച്ച് സൂപ്പർ സ്ട്രൈക്കർ നിസ്റ്റൽ റൂയിയെ ഇടക്കാല പരിശീലകനായി നിയമിച്ചത്. ടീമിനെ മൂന്ന് വിജയങ്ങളും ഒരു സമനിലയും നേടിക്കൊടുത്ത് ശ്രദ്ധ പിടിച്ചുപറ്റിയെങ്കിലും മുഖ്യപരിശീലക സ്ഥാനത്തേക്ക് യുണൈറ്റഡ് സ്പോർട്ടിങ് ലിസ്ബണിൽ അത്ഭുതങ്ങൾ തീർത്ത റൂബൻ അമോറിമിനെ കൊണ്ടുവരികയായിരുന്നു. അമോറിമിന് കീഴിൽ സഹപരിശീലകനാകാനുള്ള ആഗ്രഹം നിസ്റ്റൽ റൂയി പ്രകടിപ്പിച്ചിരുന്നു.
Also Read: ഇന്ത്യ പാകിസ്ഥാനിലേക്ക് വന്നില്ലെങ്കില്‍ വമ്പന്‍ പണി; ടൂര്‍ണമെന്റ് തന്നെ ബഹിഷ്‌കരിക്കാന്‍ നീക്കം
എന്നാൽ, പോർച്ചുഗീസ് മാനേജർ റൂബൻ അമോറിമിന് ദീർഘകാലമായി സ്ഥാപിതമായ കോച്ചിങ് ടീം ഉള്ളതിനാൽ നിസ്റ്റൽ റൂയി ഉൾപ്പെടുത്താനാകില്ലെന്നാണ് പുറത്തുവന്ന റിപ്പോർട്ടുകൾ. 2012ൽ കളംവിട്ട നിസ്റ്റൽ റൂയി 2021 ലാണ് ഡച്ച് ഫുട്ബാൾ ക്ലബായ ജോങ് പി.എസ്.വിയുടെ പരിശീലകനായി ചുമതലയേൽക്കുന്നത്. 2022-23 കാലഘടത്തിൽ പി.എസ്.വി ഐന്തോവനെ പരിശീലിപ്പിച്ച റൂയി 2024ലാണ് സഹപരിലീശലകനായി യുണൈറ്റഡിലെത്തുന്നത്.
വർഷങ്ങൾക്കിടെ കളിക്കാർക്കും പരിശീലകർക്കുമായി 100 കോടി ഡോളറിലേറെ ചെലവിട്ടിട്ടും ഗുണംപിടിക്കാതെ തോൽവിത്തുടർച്ചകളുടെ നാണക്കേടിൽ മുങ്ങിയ ടീമിനെ തിരിച്ചുപിടിക്കുകയെന്ന ശ്രമകരമായ ദൗത്യമാകും അമോറിമിനു മുന്നിൽ. മുൻ പോർചുഗീസ് താരമായ അമോറിം 2020ൽ ചുമതലയേറ്റ വർഷം ടീം പോർചുഗലിൽ ഫുട്ബാൾ കിരീടം ചൂടിയിരുന്നു. 2024ൽ വീണ്ടും സ്വന്തമാക്കിയതിനു ശേഷമാണ് ഇംഗ്ലീഷ് ലീഗിൽ ചുവടുവെക്കുന്നത്. 2013ൽ അലക്സ് ഫെർഗുസൺ വിരമിച്ച ശേഷം ആദ്യത്തെ സ്ഥിരം പരിശീലകനാണ് അമോറിം.
