ബോ​ക്​​സി​ങ്​ ഇ​ടി​പ്പൂ​രത്തോടെ റി​യാ​ദ്​ സീ​സ​ൺ ആ​ഘോ​ഷ​ങ്ങ​ൾ​ക്ക്​ നാളെ തു​ട​ക്കം

റി​യാ​ദ്​: ​നാ​ലു മാ​സം നീ​ളു​ന്ന അ​ഞ്ചാ​മ​ത്​ റി​യാ​ദ്​ സീ​സ​ൺ ആ​ഘോ​ഷ​ങ്ങ​ൾ​ക്ക് ലോ​ക ബോ​ക്​​സി​ങ്​ താ​ര​ങ്ങ​ളു​ടെ ഇ​ടി​പ്പൂ​ര​ത്തോ​ടെ​ ശ​നി​യാ​ഴ്​​ച തു​ട​ക്കം കു​റി​ക്കും. റി​യാ​ദ്​ ബോ​ളി​വാ​ഡ് സി​റ്റി​യി​ലെ കി​ങ്​​ഡം​ അ​രീ​ന​യി​ൽ ‘ഫോ​ർ ക്രൗ​ൺ ഷോ​ഡൗ​ൺ’ എ​ന്ന ടൈ​റ്റി​ലി​ൽ റ​ഷ്യ​ൻ ബോ​ക്​​സി​ങ് ലൈ​റ്റ്​-​ഹെ​വി​വെ​യ്​​റ്റ്​​ താ​ര​ങ്ങ​ളാ​യ ആ​ർ​ച്ച​ർ ബെ​റ്റ​ർ​ബി​യേ​വും ദി​മി​ത്രി ബി​വോ​ളും ഇ​ടി​വെ​ട്ട്​ പോ​രാ​ട്ടമായിരിക്കും കാ​ഴ്ച​വെ​ക്കുക.

കേ​വ​ലം പേ​രി​ന്​ വേ​ണ്ടി​യു​ള്ള​ത​ല്ല ഈ ​ഏ​റ്റു​മു​ട്ട​ൽ. ആ​ഗോ​ള​ത​ല​ത്തി​ൽ ലൈ​റ്റ്-​ഹെ​വി​വെ​യ്റ്റ് വി​ഭാ​ഗ​ത്തി​ൽ ആ​ധി​പ​ത്യം തെ​ളി​യി​ക്കാ​നു​ള്ള പോ​രാ​ട്ട​മാ​ണി​ത്. ആ​ർ​ത​ർ ബെ​റ്റ​ർ​ബി​യേ​വും ദി​മി​ത്രി ബി​വോ​ളും നാ​ല്​ ലൈ​റ്റ് ഹെ​വി ബെ​ൽ​റ്റു​ക​ൾ​ക്കും വേ​ണ്ടി​യാ​ണ്​ ഈ പോ​രാ​ടു​ന്ന​ത്. അ​തു​കൊ​ണ്ടു​ത​ന്നെ ഈ മത്സരയു​ദ്ധം നി​ർ​ണാ​യ​ക​മാ​ണ്. ത്ര​സി​പ്പി​ക്കു​ന്ന കാ​ഴ്ചാ​നു​ഭ​വ​വു​മാ​യി​രി​ക്കും അത് കാഴ്ചക്കാർക്ക് നൽകുക. അ​ജ​യ്യ​രാ​യ ഈ ​പോ​രാ​ളി​ക​ൾ ത​മ്മി​ലു​ള്ള മ​ത്സ​രം ഏറെ കൗ​തു​ക​ക​ര​വു​മാ​യി​രി​ക്കും.

Also Read: മി​ക​ച്ച ജീ​വി​ത​നി​ല​വാ​ര​മു​ള്ള രാ​ജ്യ​ങ്ങ​ളു​ടെ പ​ട്ടി​ക​യി​ൽ ബ​ഹ്റൈൻ 36ാം സ്ഥാ​നത്ത്

ആ​ഘോ​ഷം 14 സോ​ണു​ക​ളി​ൽ

ആ​വേ​ശ​ക​ര​മാ​യ വി​നോ​ദം, വ​ലി​യ ഇ​വ​ൻ​റു​ക​ൾ, പു​തി​യ സോ​ണു​ക​ൾ എ​ന്നി​വ​യാ​ണ്​ ഇ​ത്ത​വ​ണ​ത്തെ റി​യാ​ദ്​ സീ​സ​ൺ വാ​ഗ്ദാ​നം ചെ​യ്യു​ന്ന​ത്. ബൊ​ളി​വാ​ഡ് സി​റ്റി, കി​ങ്​​ഡം അ​രീ​ന, റി​യാ​ദ് വ​യ എ​ന്നി​വ​യ​ട​ക്കം 14 സോ​ണു​ക​ളി​ലാ​ണ്​ പ​രി​പാ​ടി​ക​ൾ അ​ര​ങ്ങേ​റു​ന്ന​ത്. സൗ​ദി അ​റേ​ബ്യ​യി​ൽ ആ​തി​ഥേ​യ​ത്വം വ​ഹി​ക്കു​ന്ന വാ​ർ​ഷി​ക ഉ​ത്സ​വ​മാ​ണ് റി​യാ​ദ് സീ​സ​ൺ. ഒ​ക്ടോ​ബ​റി​ൽ ആ​രം​ഭി​ക്കു​ക​യും തുടർന്ന് ശീ​ത​കാ​ലം മു​ഴു​വ​ൻ നീ​ളു​ക​യും ചെ​യ്യും. 2019 ലാ​ണ്​ ഇതിന് തു​ട​ക്കം കു​റി​ക്കു​ന്ന​ത്.

Also Read: ഷാർജയിൽ താമസിക്കുന്ന വിദേശികൾക്കും ഇനി സൗജന്യ ആരോഗ്യ ഇൻഷുറൻസ്

ഇ​ത്​ അ​ഞ്ചാം പ​തി​പ്പാ​ണ്. ഉ​ദ്ഘാ​ട​ന പ​തി​പ്പി​ൽ 70 ല​ക്ഷം സ​ന്ദ​ർ​ശ​ക​രു​ടെ ശ്ര​ദ്ധേ​യ പ​ങ്കാ​ളി​ത്ത​മാ​ണു​ണ്ടാ​യ​ത്. 14 വ്യ​ത്യ​സ്ത വി​നോ​ദ​മേ​ഖ​ല​ക​ൾ ഓ​രോ​ന്നും സ​ന്ദ​ർ​ശ​ക​രെ ആ​ക​ർ​ഷ​ക​വും മാ​ന്ത്രി​ക​വു​മാ​യ അ​നു​ഭ​വ​ങ്ങ​ളി​ൽ മു​ഴു​കാ​ൻ പ്രേ​രി​പ്പി​ക്കു​ന്ന​താ​ണ്.