അബൂദബി: നഗരത്തിൽ ഡ്രൈവറില്ലാ കാറുകളും ഇലക്ട്രിക് കാറുകളും റീചാർജ് ചെയ്യാൻ റോബോട്ടിനെ അവതരിപ്പിച്ച് അബൂദബിയിലെ ദേശീയ പെട്രോളിയം കമ്പനിയായ അഡ്നോക്. കമ്പനി ആദ്യമായി ഈ റോബോട്ടിനെ പരിചയപ്പെടുത്തുന്നത് ദുബൈയിൽ ആരംഭിച്ച ജൈടെക്സ് പ്രദർശനത്തിലാണ്. മിഡിലീസ്റ്റിൽ ആദ്യമായാണ് ഇത്തരമൊരു പരീക്ഷണം.
ഇനി മുതൽ ഡ്രൈവറില്ലാ കാറുകളും ഇലക്ട്രിക് കാറുകളും പെട്രോൾ സ്റ്റേഷനിലെ ബേയിൽ നിർത്തിയാൽ മതി. വാഹനത്തെ തിരിച്ചറിഞ്ഞ് ആവശ്യമായ കാര്യങ്ങൾ റോബോട്ട് നിർവഹിക്കും. അതേസമയം ഇപ്പോൾ പരീക്ഷണഘട്ടത്തിലാണ് ഈ റോബോട്ടുള്ളതെന്ന് അഡ്നോക് ഡിജിറ്റൽ വിഭാഗം വൈസ് പ്രസിഡന്‍റ് മാസ് ഖുറേഷി പറഞ്ഞു. വൈകാതെ റോബോട്ടുകളെ രാജ്യവ്യാപകമായി ഉപയോഗിക്കാനാണ് പദ്ധതി. നിർമിതബുദ്ധി സാങ്കേതിക വിദ്യയിലാണ് ഈ റോബോട്ടുകൾ പ്രവർത്തിക്കുക.
Also Read: കനത്ത മഴ; വിറങ്ങലിച്ച് മത്ര സൂഖ്
രസകരമായ കാര്യം എന്താണ് വെച്ചാൽ പെട്രോൾ സ്റ്റേഷനിൽ എത്തുന്ന വാഹനത്തിന്‍റെ പ്രത്യേകതകൾ തിരിച്ചറിഞ്ഞ് റോബോട്ടുകൾ ഇന്ധനം നിറക്കുകയോ ഇ.വി. വാഹനങ്ങളാണെങ്കിൽ ചാർജ് ചെയ്യുകയോ ചെയ്യും. ഈ വർഷം അവസാനത്തോടെ അത് 150-200ലെത്തിക്കാനാണ് പദ്ധതി. ചാർജിങ് പോയന്‍റുകളുടെ എണ്ണം 100ലധികമാക്കിയിട്ടുണ്ട്.
