ലോക ഫുടബോൾ ആരാധകരെ ഏറെ ആവേശത്തിലാഴ്ത്തി കഴിഞ്ഞ ആഗസ്റ്റ് 21 നാണ് ഫുട്ബോൾ താരം ക്രിസ്റ്റ്യാനോ റൊണാൾഡോ യൂട്യൂബ് ചാനൽ ആരംഭിച്ചത്. എന്നാൽ വളരെ ചുരുങ്ങിയ സമയത്തിനുള്ളിൽ 1 മില്യൺ സബ്സ്ക്രൈബേഴ്സിനെ സ്വന്തമാക്കി ചാനൽ ചരിത്രമാവുകയും ചെയ്തു.
ചാനലിന്റെ ഫോളോവേഴ്സ് ഇപ്പോൾ 67.3 മില്യൺ ആണ്. അതേസമയം തന്റെ ചാനലിലെ അതിഥിയെ പരിചയപ്പെടുത്തി റൊണാൾഡോ പങ്കുവെച്ച വീഡിയോ പോസ്റ്റ് ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഈ അതിഥിയാരാണെന്നത് റൊണാൾഡോ സസ്പെൻസ് ആക്കി വെച്ചു. അതിഥി എത്തുന്നതോടെ ചാനൽ പുതിയ റെക്കോഡുകൾ തേടുമെന്നാണ് ഫുട്ബോൾ താരത്തിന്റെ പ്രഖ്യാപനം. അതോടെ കടുത്ത ആകാംഷയിലായിരുന്നു ആരാധകർ.
Also Read :’സ്ട്രെയ്റ്റ് ഡ്രൈവിൽ ’ പന്ത് മുഖത്ത് അടിച്ചു ; അമ്പയർ ഐസിയുവിൽ
കളിക്കളത്തിലെ സൂപ്പർ താരങ്ങൾ റൊണാൾഡോയുടെയും ലയണൽ മെസ്സിയുടെയും ഒത്തുചേരൽ ആകാം ഇതെന്ന് ഊഹിച്ച ആരാധകരുടെ പ്രതീക്ഷകൾ തകർന്നിരിക്കുകയാണ്. ലോക പ്രശസ്തനായ പ്രമുഖ യൂട്യൂബർ മിസ്റ്റര്‍ ബീസ്റ്റാണ് ഏറെ കാത്തിരുന്ന ആ അതിഥി. യൂട്യൂബിൽ വലിയ കോളിളക്കം സൃഷ്‌ടിച്ച മിസ്റ്റര്‍ ബീസ്റ്റിന്റെ റെക്കോർഡുകൾ തകർത്തായിരുന്നു റൊണാൾഡോയുടെ യൂട്യൂബിലേക്ക് ഉള്ള രംഗപ്രവേശം. അതുകൊണ്ടുതന്നെ ഇന്ന് വൈകീട്ട് 7.30 ന് നടക്കുന്ന റൊണാൾഡോയും ബീസ്റ്റുമായുള്ള സംഭാഷണം ഉറ്റുനോക്കുകയാണ് ആരാധകർ.
