ദുല്‍ഖര്‍ സല്‍മാന്റെ അടുത്ത തെലുങ്ക് ചിത്രമാണ് ‘ആകാശംലോ ഒക താര’. ചിത്രത്തെക്കുറിച്ചുള്ള ഒരു വമ്പന്‍ അപ്‌ഡേറ്റ് ആണ് ഇപ്പോള്‍ പുറത്തുവരുന്നത്. ചിത്രത്തില്‍ ദുല്‍ഖറിന്റെ നായികയായി സായ് പല്ലവി എത്തുന്നു എന്നാണ് റിപ്പോര്‍ട്ട്. വാര്‍ത്തകള്‍ ശരിയാണെങ്കില്‍ ‘കലി’ എന്ന സമീര്‍ താഹിര്‍ ചിത്രത്തിന് ശേഷം ദുല്‍ഖറും സായ് പല്ലവിയും വീണ്ടും ഒന്നിക്കുന്ന ചിത്രമാകും ‘ആകാശംലോ ഒക താര’.
Also Read :പങ്കാളിയുടെ സ്വകാര്യതയില്‍ കടന്നുകയറിയുള്ള ‘തെളിവ്’ ശേഖരിക്കല്‍ മൗലികാവകാശ ലംഘനം: മദ്രാസ് ഹൈക്കോടതി
ഒരു ലവ് സ്റ്റോറി ആയി ഒരുങ്ങുന്ന ചിത്രത്തിന്റെ ഷൂട്ടിംഗ് നവംബര്‍ അവസാനം ഹൈദരാബാദില്‍ ആരംഭിക്കും. പവന്‍ സദിനേനി ആണ് ചിത്രം സംവിധാനം ചെയ്യുന്നത്. ഗീത ആര്‍ട്ടസ്, സ്വപ്ന സിനിമ എന്നീ ബാനറുകളാണ് ചിത്രം നിര്‍മിക്കുന്നത്. ‘ടാക്‌സിവാല’, ‘ഡിയര്‍ കോംമ്രേഡ്’ എന്നീ സിനിമകള്‍ക്ക് ഛായാഗ്രഹണം നിര്‍വഹിച്ച സുജിത് സാരംഗ് ആണ് ഈ സിനിമയുടെ ഛായാഗ്രഹണം നിര്‍വഹിക്കുക.
