കൊച്ചി: സംസ്ഥാനത്തെ വിനോദസഞ്ചാര മേഖലയിലെ പുതിയ അധ്യായത്തിന് തുടക്കം. രാവിലെ പത്ത് മണിക്ക് കൊച്ചി ബോൾഗാട്ടി മറീനയിൽ നിന്നാണ് കേരളത്തിന്റെ അഭിമാനമായ ജലവിമാനത്തിന്റെ പരീക്ഷണ പറക്കൽ നടന്നത്.
മന്ത്രി പി എ മുഹമ്മദ് റിയാസ് ആണ് പരീക്ഷണ പറക്കലിന്റെ ഫ്ലാഗ് ഓഫ് ചെയ്തത്. പത്ത് മിനുട്ടോളം കൊച്ചിയിലെ ആകാശത്ത് പറന്ന് വീണ്ടും കൊച്ചി കായലിലേക്ക് ഇറങ്ങും. തുടർന്ന് നേരെ മാട്ടുപ്പെട്ടി അണക്കെട്ടിലേക്ക് പോകും.
