കൊച്ചി: കൊച്ചിക്കാർക്ക് ഇത് സന്തോഷ നിമിഷം. കേരളത്തിലെ ആദ്യ ജലവിമാനം കൊച്ചി കായലിൽ പറന്നിറങ്ങി. നാളെയാണ് സീ പ്ലെയിനിന്റെ പരീക്ഷണ പറക്കൽ. ഇടുക്കി മാട്ടുപെട്ടിയിലേക്കാണ് പറക്കൽ. ജലാശയങ്ങളെയും വിമാനത്താവളങ്ങളെയും ബന്ധിപ്പിക്കാനാണ് ജലവിമാനം ഉപയോഗിക്കുന്നത്.
നവംബർ 11 ന് രാവിലെ 9.30ന് വിമാനത്തിന്റെ ഫ്ലാഗ് ഓഫ് ചടങ്ങിൽ വ്യവസായ, നിയമ, കയർ വകുപ്പ് മന്ത്രി പി രാജീവ് അധ്യക്ഷനാകും. ടൂറിസം, പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. തുടർന്ന് മൂന്നാർ മാട്ടുപ്പെട്ടി ജലാശയത്തിലേക്കുള്ള വിമാനം മന്ത്രി പി എ മുഹമ്മദ് റിയാസ് ഫ്ലാഗ് ഓഫ് ചെയ്യും.
