മുംബൈ: താനെയിലെ ബിസിനസ് കെട്ടിടത്തിൽ സെക്യൂരിറ്റി സൂപ്പർവൈസർ കൊല്ലപ്പെട്ട സംഭവത്തിൽ പ്രതി അറസ്റ്റിൽ. സെക്യൂരിറ്റി ഗാർഡുകളുടെ സൂപ്പർവൈസറായ 35കാരന്റെ ശിരഛേദം ചെയ്ത മൃതദേഹമാണ് കെട്ടിടത്തിന്റെ ടെറസിൽ കണ്ടെത്തിയത്. ഞായറാഴ്ച്ച നടന്ന കൊലപാതകം തിങ്കളാഴ്ച രാവിലെയാണ് പുറത്തറിയുന്നത്.
വൈകുന്നേരത്തോടെ സംഭവ സ്ഥലത്തെത്തിയ ക്രൈംബ്രാഞ്ച് യൂണിറ്റ് സംശയാസ്പദമായ സാഹചര്യത്തിൽ പ്രതി പ്രശാന്ത് കദമിനെ സംഗാലിയിൽ നിന്ന് അറസ്റ്റ് ചെയ്തു. കൊലയാളി മൂർച്ചയേറിയ ആയുധം ഉപയോഗിച്ച് മരിച്ചയാളുടെ തല വിച്ഛേദിച്ച് ടെറസിൽ ഉപേക്ഷിച്ച ശേഷം ഓടി രക്ഷപ്പെടുകയായിരുന്നു.
Also Read: പ്രായപൂർത്തിയാകാത്ത കുട്ടിയെ പീഡിപ്പിച്ചു; 73കാരൻ അറസ്റ്റിൽ
അമ്മയെയും സഹോദരിയെയും അധിക്ഷേപകരമായ വാക്കുകൾ ഉപയോഗിച്ചതിനാലാണ് കദം ഇരയെ കൊലപ്പെടുത്തിയതെന്നാണ് സൂചന. മരിച്ചയാൾ കെട്ടിടത്തിൽ സെക്യൂരിറ്റി സൂപ്പർവൈസറായി ജോലി ചെയ്തിരുന്നുവെന്ന് ക്രൈംബ്രാഞ്ചിലെ മുതിർന്ന പൊലീസ് ഇൻസ്‌പെക്ടർ വികാസ് ഗോഡ്‌കെ വിശദീകരിച്ചു. പ്രതിയെ പിടികൂടാൻ പൊലീസ് അഞ്ച് സംഘങ്ങളെ രൂപീകരിച്ചിരുന്നു. ഫോറൻസിക് സംഘവും സ്ഥലത്തെത്തി.
