കൊച്ചി: സംസ്ഥാനത്ത് സ്വർണവിലയിൽ നേരിയ ഇടിവ്. അമേരിക്കൻ തെരഞ്ഞെടുപ്പിന് ശേഷം 1300 രൂപയുടെ കനത്ത ഇടിവുണ്ടായ ശേഷം ഇന്നലെ സ്വർണവിലയിൽ 680 രൂപ കൂടിയിരുന്നു. ഇന്ന് 80 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 58,200 രൂപയായി. ഗ്രാമിന് 10 രൂപ കുറഞ്ഞു. 7275 രൂപയാണ് ഒരു ഗ്രാം സ്വര്‍ണത്തിന്റെ വില.
അടുത്തിടെ ആദ്യമായാണ് സ്വര്‍ണവിലയിൽ ഒറ്റയടിക്ക് ആയിരത്തിലധികം രൂപ കുറയുന്നത്. 60,000 കടക്കും എന്ന് പ്രതീക്ഷിക്കുന്ന ദിവസങ്ങളിലാണ് സ്വർണവിലയിൽ കയറ്റിറക്കങ്ങളുണ്ടാകുന്നത്.
