ചുരുക്കം സിനിമകള്‍ കൊണ്ട് തന്നെ ഇന്ത്യ മുഴുവന്‍ ചര്‍ച്ച ചെയ്യപ്പെടുന്ന സംവിധായകനാണ് അറ്റ്‌ലി. ബോളിവുഡ് സൂപ്പര്‍താരം സല്‍മാന്‍ ഖാനൊപ്പം അറ്റ്‌ലി സിനിമ ചെയ്യുന്നു എന്ന വാര്‍ത്തകള്‍ സമൂഹ മാധ്യമങ്ങളില്‍ ഏറെ ശ്രദ്ധ നേടിയിരുന്നു. ഇപ്പോള്‍ സ്‌ക്രിപ്റ്റിംഗ് ഘട്ടത്തിലുള്ള ഈ പ്രോജക്റ്റിനെ പറ്റിയുള്ള അഭ്യൂഹങ്ങള്‍ ബോളിവുഡില്‍ ശക്തമാണ്. സൂപ്പര്‍താരങ്ങള്‍ക്ക് വന്‍ എലിവേഷന്‍ നല്‍കുന്ന അറ്റ്‌ലി ചിത്രങ്ങള്‍ പോലെ തന്നെ ഈ ചിത്രവും ഒരു സര്‍പ്രൈസായിരിക്കും എന്നാണ് പുതിയ വാര്‍ത്ത.
റിപ്പോര്‍ട്ടുകള്‍ പ്രകാരം, ഈ ബിഗ് ബജറ്റ് പ്രോജക്റ്റ് രണ്ട് വ്യത്യസ്ത കാലഘട്ടങ്ങളെ ബന്ധിപ്പിക്കുന്ന പുനര്‍ജന്മവുമായി ബന്ധപ്പെട്ട ആക്ഷന്‍ ചിത്രമാണ് എന്നാണ്. മുമ്പൊരിക്കലും കണ്ടിട്ടില്ലാത്ത വിഷ്വല്‍സ് ഉള്ള ഒരു സാങ്കല്‍പ്പിക ലോകത്തില്‍ നടക്കുന്ന പീരിയോഡിക് ദൃശ്യങ്ങള്‍ ചിത്രത്തിന്റെ പ്രത്യേകതയാണ് എന്നാണ് 123 തെലുങ്കിന്റെ റിപ്പോര്‍ട്ട് പറയുന്നത്.
Also Read: ജയം രവിക്കൊപ്പം നിറഞ്ഞാടി നിത്യ മേനന്‍; ‘യെന്നൈ ഇഴുക്കുതാടി’ ഗാനം എത്തി
സല്‍മാന്‍ ഖാന്‍ ഒരു യോദ്ധാവിന്റെ വേഷത്തില്‍ എത്തുമെന്ന് റിപ്പോര്‍ട്ടുണ്ട്. അതേ സമയം റിപ്പോര്‍ട്ടുകള്‍ അനുസരിച്ച് സല്‍മാന്‍ ഖാന്റെയും അറ്റ്ലിയുടെയും ചിത്രം മഗധീരയുടെ ലൈനില്‍ ആയിരിക്കുമെന്നാണ് ബോളിവുഡ് മാധ്യമങ്ങള്‍ പറയുന്നത്. ഒരു തെന്നിന്ത്യന്‍ സൂപ്പര്‍താരം ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കാന്‍ സാധ്യതയുണ്ടെന്നാണ് വിവരം. കമല്‍ഹാസനായിരിക്കും ഈ വേഷത്തില്‍ എന്നാണ് വിവരം. 2025 ല്‍ തന്നെ ഈ ചിത്രം തീയറ്ററില്‍ എത്തിക്കാനാണ് പദ്ധതിയെന്നാണ് റിപ്പോര്‍ട്ട് .
