കൊല്ലം: ലോക്സഭ തെരഞ്ഞെടുപ്പിലെ കനത്ത തോൽവി പരിശോധിച്ച് തിരുത്തൽ വരുത്താനുള്ള സി.പി.എമ്മിൻറെ തെക്കൻ കേരള മേഖലായോഗം ഇന്ന് നടക്കും. കരുനാഗപ്പള്ളിയിൽ നടക്കുന്ന യോഗത്തിൽ പാർട്ടി ജനറൽ സെക്രട്ടറി സീതാറാം യെച്ചൂരി,സംസ്ഥാന സെക്രട്ടറി എം.വി ഗോവിന്ദൻ എന്നിവർ പങ്കെടുക്കും.
തെരഞ്ഞെടുപ്പിലെ പരാജയ കാരണങ്ങൾ വിലയിരുത്തി തിരുത്തൽ നടപടി സ്വീകരിക്കുന്നതിൻറെ ഭാഗമായാണ് മേഖലാ യോഗങ്ങൾ സംഘടിപ്പിക്കുന്നത്. കഴിഞ്ഞ രണ്ടുദിവസം ചേർന്ന മേഖല യോഗങ്ങളിൽ സർക്കാരിൻറെയും പാർട്ടിയുടെയും പ്രവർത്തനങ്ങളിൽ രൂക്ഷമായ വിമർശനങ്ങൾ ഉയർന്നുവന്നിരുന്നു.
