സില്‍ഹെറ്റ്: ബംഗ്ലാദേശിനെതിരായ ആദ്യ ടെസ്റ്റില്‍ ശ്രീലങ്കയ്ക്ക് വിജയം. 328 റണ്‍സാണ് ശ്രീലങ്ക നേടിയത്. ഇതോടെ ടെസ്റ്റ് ചാമ്പ്യന്‍ഷിപ്പ് പോയിന്റ് ടേബിളില്‍ ആറാം സ്ഥാനത്തേയ്ക്ക് ഉയരാനും ലങ്കയ്ക്ക് കഴിഞ്ഞു. അഞ്ച് വിക്കറ്റ് നേടിയ കസുന്‍ രജിതയും മൂന്ന് വിക്കറ്റ് വീഴ്ത്തിയ വിശ്വ ഫെര്‍ണാണ്ടോയുമാണ് ബംഗ്ലാദേശിനെ തകര്‍ത്തത്. അഞ്ചിന് 47 എന്ന സ്‌കോറില്‍ നിന്നാണ് അവസാന ദിനം ബംഗ്ലാദേശ് ബാറ്റിംഗ് ആരംഭിച്ചത്. 87 റണ്‍സെടുത്ത് പുറത്താകാതെ നിന്ന മൊനിമൂള്‍ ഹഖാണ് കടുവകള്‍ക്കായി അല്‍പ്പമെങ്കിലും പിടിച്ചുനിന്നത്.
മെഹിദി ഹസ്സന്‍ 33 റണ്‍സെടുത്ത് പുറത്തായി. മത്സരത്തിന്റെ ആദ്യ ഇന്നിംഗ്‌സില്‍ ശ്രീലങ്ക 280 റണ്‍സിന് പുറത്തായി. ബംഗ്ലാദേശ് 188 റണ്‍സ് മാത്രമാണ് എടുത്തത്. രണ്ടാം ഇന്നിംഗ്‌സില്‍ ശ്രീലങ്ക 418 റണ്‍സെടുത്തു. രണ്ട് ഇന്നിംഗ്‌സിലും സെഞ്ച്വറി നേടിയ ധനഞ്ജയ ഡി സില്‍വ, കുശല്‍ മെന്‍ഡിന്‍സ് എന്നിവരാണ് ലങ്കയുടെ വിജയത്തില്‍ നിര്‍ണായകമായത്.
