കൊച്ചി: വന്‍ ആവേശത്തോടെയാണ് സംസ്ഥാന സ്‌കൂള്‍ കായികമേള മഹാരാജാസ് കോളജിലെ സിന്തറ്റിക് ട്രാക്ക് ഗ്രൗണ്ടില്‍ നടന്നുകൊണ്ടിരിക്കുന്നത്. ഓരോ മത്സര ഇനങ്ങളിലും വീറും വാശിയോടെയുമാണ് മത്സരാര്‍ത്ഥികള്‍ കാഴ്ചവെക്കുന്നത്. രാവിലെ 6.10ന് സീനിയര്‍ ആണ്‍കുട്ടികളുടെ 5000 മീറ്റര്‍ നടത്ത മത്സരത്തോടെയാണ് ഇന്ന് കായികമേളയുടെ അത്ലറ്റിക്സ് മത്സരങ്ങള്‍ക്ക് തുടക്കമായത്.
സബ് ജൂനിയര്‍, ജൂനിയര്‍, സീനിയര്‍ ആണ്‍-പെണ്‍ വിഭാഗങ്ങളിലായി 14 ഫൈനലുകള്‍ക്കാണ് അത്‌ലറ്റിക്‌സിന്റെ ആദ്യദിനം സാക്ഷ്യം വഹിക്കുന്നത്. 11 വരെ നടക്കുന്ന 98 ഫൈനലുകളില്‍ 2700 കായികതാരങ്ങളാണ് മാറ്റുരയ്ക്കുന്നത്. ഇത്തവണത്തെ കായിക കിരീടം ചൂടുന്നത് ഏത് ജില്ലയാണെന്ന് കാത്തിരുന്ന് കാണാം.
