തിരുവനന്തപുരം: തിരുവനന്തപുരം പൂവാറില്‍ പത്താം ക്ലാസ് വിദ്യാര്‍ത്ഥിയെ ലൈംഗിക പീഡനത്തിനിരയാക്കിയ മൂന്നുപേര്‍ അറസ്റ്റില്‍. നെയ്യാറ്റിന്‍കര സ്വദേശികളായ ആദര്‍ശ്, അഖില്‍, അനുരാഗ് എന്നിവരാണ് പൂവാര്‍ പോലീസിന്റെ പിടിയിലായിരിക്കുന്നത്. തിരുവനന്തപുരം പൂവാറില്‍ 28ാം തീയതി പുലര്‍ച്ചെ പെണ്‍കുട്ടിയെ കാറില്‍ കയറ്റി കൊണ്ട് പോയി ഇവര്‍ പീഡിപ്പിക്കുകയായിരുന്നു. ഇവരില്‍ ആദര്‍ശ് കുട്ടിക്ക് വളരെ അടുത്ത് പരിചയമുള്ള വ്യക്തിയാണ്. പൂവാറില്‍ വെച്ച് ഈ കുട്ടിയെ ആദര്‍ശ് കാണുകയും കാറില്‍ കയറാന്‍ ആവശ്യപ്പെടുകയുമായിരുന്നു.
Also Read : വ്യാജ ട്രേഡിങ് ആപ്പില്‍ കുരുങ്ങി! നഷ്ടമായത് 6 കോടി
അന്നേ ദിവസം കുട്ടിയുടെ പിറന്നാളായിരുന്നു. അതുകൊണ്ട് തന്നെ കുട്ടിക്ക് പിറന്നാള്‍ സമ്മാനം വാങ്ങിത്തരാമെന്ന് പറഞ്ഞാണ് ആദര്‍ശ് കുട്ടിയെ കാറിനുള്ളില്‍ കയറ്റിയത്. അതിന് ശേഷം ഇവര്‍ മൂവരും ചേര്‍ന്ന് കുട്ടിയെ ക്രൂരപീഡനത്തിന് ഇരയാക്കുകയായിരുന്നു. കുട്ടിയുടെ ദേഹാസ്വാസ്ഥ്യം മാതാപിതാക്കളാണ് ആദ്യം ശ്രദ്ധിച്ചത്. പിന്നീട് ഇവര്‍ തന്നെ പൂവാര്‍ പൊലീസില്‍ പരാതിപ്പെടുകയായിരുന്നു. തുടര്‍ന്നാണ് ഇവരെ പൊലീസ് അറസ്റ്റ് ചെയ്തിരിക്കുന്നത്. ഇവരെ റിമാന്‍ഡ് ചെയ്തിരിക്കുകയാണ്.
