റിയാദ്: സൗദി അറേബ്യയില്‍ വേനല്‍ക്കാലം സെപ്റ്റംബര്‍ ആരംഭത്തോടെ അവസാനിക്കും. കാലാവസ്ഥയുടെ ശാസ്ത്രവുമായി ബന്ധപ്പെട്ട പഠനത്തില്‍ സെപ്റ്റംബര്‍ ആദ്യം വേനല്‍ക്കാലം അവസാനിക്കേണ്ടതാണെന്ന് കാലാവസ്ഥ വകുപ്പ് വക്താവ് ഹുസൈന്‍ അല്‍ ഖഹ്താനി പറഞ്ഞു. എന്നിരുന്നാലും സെപ്റ്റംബര്‍ പകുതി വരെ താപനില ഉയര്‍ന്ന നിലയില്‍ തുടരുമെന്ന് പ്രതീക്ഷിക്കുന്നു.
സെപ്റ്റംബര്‍ പകുതിക്ക് ശേഷം താപനിലയിലെ ഏറ്റക്കുറച്ചിലുകളും മാറ്റവും ഉണ്ടായേക്കും. ശരത്കാലത്തിനിടയില്‍ പരിവര്‍ത്തന ഘട്ടങ്ങള്‍ നിരീക്ഷിക്കുമെന്ന് പ്രതീക്ഷിക്കുന്നു. ഈ സമയത്ത് സാധാരണയായി താപനിലയിലെ ദ്രുതഗതിയിലുള്ള മാറ്റങ്ങള്‍ക്കും ഏറ്റക്കുറച്ചിലുകള്‍ക്കും ദ്രുതഗതിയിലുള്ള കാറ്റിന്റെ പ്രവര്‍ത്തനത്തിനും മഴക്കുള്ള സാധ്യതകള്‍ക്കും സാക്ഷ്യം വഹിക്കുമെന്നും കാലാവസ്ഥ വകുപ്പ് വക്താവ് പറഞ്ഞു.
