ഷാരൂഖ് ഖാന്‍ ആശുപത്രിയില്‍. സൂര്യാഘാതം ഏറ്റതിനെ തുടര്‍ന്നാണ് ആശുപത്രിയിലായത്. അഹമ്മദാബാദില്‍ ഐപിഎല്‍ മത്സരത്തിനെത്തിയ താരത്തിന് സൂര്യാഘാതവും നിര്‍ജലീകരണവുമുണ്ടായതിനെ തുടര്‍ന്ന് കെഡി ആശുപത്രിയിലാണ് പ്രവേശിപ്പിച്ചത്. ആരോഗ്യ നില തൃപ്തികരമാണെന്നാണ് വിവരം.
നടിയും സുഹൃത്തുമായ ജൂഹി ചൌള ആശുപത്രിയിലെത്തി നടനെ കണ്ടു. തന്ര്‍റെ ഉടമസ്ഥതയിലുള്ള കൊല്‍ക്കത്ത നൈറ്റ് റൈഡേഴ്സിന്റെ ഐപിഎല്‍ ക്വാളിഫയര്‍ പോരാട്ടം കാണാനായി എത്തിയതാണ് താരം. ഇന്നലെ 44 ഡിഗ്രിയില്‍ അധികമായിരുന്നു അഹമ്മദാബാദിലെ താപനില . മക്കളായ സുഹാനയും അബ്രാമും ഷാറൂഖിന് ഒപ്പമുണ്ട്.
