പാലക്കാട്: പാണക്കാട് സാദിഖ് അലി ശിഹാബ് തങ്ങള്‍ക്കെതിരായ മുഖ്യമന്ത്രി പിണറായി വിജയന്റെ പ്രസ്താവന തള്ളിക്കളയണമെന്ന് സമസ്തയുടെ യുവജന വിഭാഗമായ എസ്‌വൈഎസ്. മുഖ്യമന്ത്രിയുടെ പ്രസ്താവന വര്‍ഗീയത നിറഞ്ഞ മനസ്സില്‍ നിന്ന് വരുന്ന ദുര്‍ഗന്ധ വര്‍ത്തമാനം. പ്രസ്താവന വെറുപ്പ് ഉല്‍പാദിപ്പിക്കുന്നതെന്നും എസ് വൈഎസ് നേതാക്കള്‍ പ്രസ്താവനയില്‍ പറഞ്ഞു.മുഖ്യമന്ത്രിയുടെ പ്രസ്താവന വെറുപ്പ് ഉല്‍പാദിപ്പിക്കുന്നതെന്നും എസ് വൈഎസ് നേതാക്കള്‍ പറഞ്ഞു.
സാദിഖലി തങ്ങള്‍ ജമാഅത്തെ ഇസ്ലാമി അനുയായിയെ പോലെ പെരുമാറുന്നു എന്നായിരുന്നു മുഖ്യമന്ത്രിയുടെ വിമര്‍ശനം. സന്ദീപ് വാര്യരുടെ പാണക്കാട് സന്ദര്‍ശനത്തിന് പിന്നാലെയാണ് മുഖ്യമന്ത്രിയുടെ വിമര്‍ശനം ഉയര്‍ന്നത്. മുന്‍പ് പാണക്കാട് തങ്ങളെ എല്ലാവരും ബഹുമാനിക്കുകയും ആദരിക്കുകയും ചെയ്തിരുന്നു, എന്നാല്‍ സാദിഖലി തങ്ങള്‍ അങ്ങനെയല്ലെന്നും സന്ദീപ് വാര്യരുടെ പാണക്കാട് സന്ദര്‍ശനം പരാമര്‍ശിച്ച് മുഖ്യമന്ത്രി പറഞ്ഞത്.
