മുംബൈ: ‘ദാദിഗിരി 2′ എന്ന റിയാലിറ്റി ഷോയിലൂടെ പ്രശസ്തനായ ടെലിവിഷന്‍ നടൻ നിതിന്‍ ചൗഹാന്‍(35) അന്തരിച്ചു. നിതിന്റെ മരണവാര്‍ത്ത അറിയിച്ച് സഹതാരം വിഭൂതി താക്കൂര്‍ ഇന്‍സ്റ്റഗ്രാമില്‍ പോസ്റ്റ് പങ്കുവെക്കുകയായിരുന്നു. എന്റെ പ്രിയപ്പെട്ടവനെ, സമാധാനത്തോടെ വിശ്രമിക്കൂ, ഞാന്‍ ശരിക്കും ഞെട്ടിപ്പോയി, എല്ലാ പ്രശ്നങ്ങളെയും നേരിടാനുള്ള കരുത്ത് നിനക്കുണ്ടായിരുന്നെങ്കില്‍ എന്ന് ഞാന്‍ ആഗ്രഹിച്ച് പോകുന്നു’ എന്നാണ് അദ്ദേഹം കുറിച്ചത്.
ഉത്തർ പ്രദേശിലെ അലിഗഡ് സ്വദേശിയായ നിധിൻ എംടിവിയിലെ റിയാലിറ്റി ഷോയായ സ്ലിപ്ലിറ്റ്‌സ്‌വില്ലയുടെ അഞ്ചാം സീസണിലും മത്സരിച്ചിരുന്നു. ക്രൈം പട്രോള്‍, സിന്ദഗി ഡോട്ട് കോം, ഫ്രണ്ട്‌സ് തുടങ്ങിയ ടെലിവിഷന്‍ പരമ്പരകളിലും അഭിനയിച്ചു. സബ് ടിവിയില്‍ സംപ്രേക്ഷണം ചെയ്യുന്ന ‘തേരാ യാര്‍ ഹൂം മേം’ എന്ന പരമ്പരയിലാണ് അവസനമായി അഭിനയിച്ചത്.
