മൂവാറ്റുപുഴ: ഭാര്യയെ കുത്തിക്കൊല്ലാൻ ശ്രമിച്ച പ്രതിയെ മണിക്കൂറുകൾക്കകം പിടികൂടി പൊലീസ്. മദ്യപിച്ച് വീട്ടിലെത്തിയ ഇയാൾ വാക്കുതർക്കത്തിനിടെ ഭാര്യ സ്മിതയെ (42) കത്തികൊണ്ട് കുത്തുകയായിരുന്നു. സ്മിതക്ക് നെഞ്ചിലും കാലിലും കുത്തേറ്റിട്ടുണ്ട്. ഗുരുതരമായി പരിക്കേറ്റ സ്മിതയെ പരിസരവാസികൾ ആദ്യം മൂവാറ്റുപുഴ ജനറൽ ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
സംഭവസ്ഥലത്ത് നിന്ന് രക്ഷപ്പെട്ട പ്രതിയെ തൊടുപുഴയിൽ നിന്ന് മണിക്കൂറുകൾക്കകം പൊലീസ് പിടികൂടി. നേരത്തെയും ഭാര്യയെ അസഭ്യം പറഞ്ഞതിനും മർദിച്ചതിനും ഇയാൾക്കെതിരെ കേസുണ്ടെന്ന് മൂവാറ്റുപുഴ പൊലീസ് പറഞ്ഞു.
