മലപ്പുറം: യുവാവിന്റെ മൃതദേഹം താനൂർ കടലിൽ നിന്ന് ആണ് കണ്ടെത്തിയത്. തൃശ്ശൂർ കൊടുങ്ങല്ലൂർ സ്വദേശി സനൂപ് (34) ആണ് മരണപ്പെട്ടത്. ആറ് ദിവസം മുമ്പ് ആണ് യുവാവിനെ കാണാതായത്. താനൂർ കടലിൽ നിന്നും ഒമ്പത് നോട്ടിക്കൽ മൈൽ അകലെ നിന്നാണ് മൃതദേഹം ലഭിച്ചത്.
മുഖം തിരിച്ചറിയാൻ പറ്റാത്ത നിലയിലായിരുന്നു മൃതദേഹം ഉണ്ടായിരുന്നത്. മത്സ്യത്തൊഴിലാളികളാണ് ആദ്യം മൃതദേഹം കണ്ടത്. തുടർന്ന് ഫിഷറീസ് ഓഫീസിൽ അറിയിക്കുകയായിരുന്നു. മൃതദേഹം തിരൂരങ്ങാടി ഗവ. താലൂക്ക് ആശുപത്രി മോർച്ചറിയിലേക്ക് മാറ്റി.
