കണ്ണൂർ: സ്വർണക്കള്ളക്കടത്ത് വിഷയത്തിൽ മുഖ്യമന്ത്രി മലപ്പുറത്തെ അപമാനിച്ചെന്നു മുതിർന്ന ബിജെപി നേതാവ് സി കെ പദ്മനാഭൻ. ചില ഞരമ്പ് രോഗികൾക്ക് മലപ്പുറം എന്ന് കേൾക്കുമ്പോൾ ഹാലിളകാറുണ്ട്. മുഖ്യമന്ത്രി ആ കൂട്ടത്തിൽ പെട്ടുപോവരുത്. മുഖ്യമന്ത്രി ചെയ്തത് കാട്ടിലെ പുലിയെ പിടിക്കാൻ കാടിന് തീ കൊടുക്കുന്ന പണിയാണ്.
ഇ എം എസ് കൊടുത്ത മലപ്പുറത്തെ പിണറായി തള്ളിപ്പറയുകയാണോ? പൂരം കലക്കൽ ഗൂഢാലോചനയിൽ ജുഡീഷ്യൽ അന്വേഷണം എന്തുതന്നെയായാലും വേണം. ഏത് പാർട്ടിയിൽ പെട്ടവർ ആയാലും യഥാർത്ഥ കുറ്റക്കാരെ കണ്ടെത്താൻ സമഗ്ര അന്വേഷണം വേണം. ബിജെപിയുടെ കളക്ടറേറ്റ് ധർണ ഉത്ഘാടനം ചെയ്താണ് പരാമർശം നടത്തിയത്.
