7 വയസ്സുകാരിയെ ബലാത്സംഗം ചെയ്ത കേസിൽ മധ്യ വയസ്കന് ശിക്ഷ വിധിച്ച് കോടതി

മലപ്പുറം: മലപ്പുറത്ത് 7 വയസ്സുകാരിയെ ബലാത്സംഗം ചെയ്ത കേസിൽ 50 കാരന് 35 വര്‍ഷം കഠിന തടവും 50,000 രൂപ പിഴയും ശിക്ഷയും വിധിച്ച് കോടതി. മലപ്പുറത്തെ പൂക്കോട്ടുംപാടം തോട്ടുങ്ങൽ സ്വദേശി രാജനെയാണ് കോടതി ശിക്ഷിച്ചത്. 2023 ജനുവരിയിലാണ് കേസിന്നാസ്പദമായ സംഭവം നടന്നത്. രണ്ട് തവണ കുട്ടിയെ ബലാത്സം​ഗത്തിനിരയാക്കുകയായിരുന്ന പ്രതി, കുട്ടി താമസിക്കുന്ന വീട്ടിൽ വെച്ചും പിന്നീട് തട്ടിക്കൊണ്ടു പോയുമാണ് ബലാത്സം​ഗം ചെയ്തത്. കേസിൽ അറസ്റ്റിലായ പ്രതിയ്ക്ക് ഒരു വർഷം നീണ്ടുനിന്ന വിചാരണക്കൊടുവിലാണ് കോടതി ശിക്ഷ വിധിച്ചത്. നിലമ്പൂര്‍ ഫാസ്റ്റ് ട്രാക്ക് സ്‌പെഷ്യല്‍ കോടതിയാണ് ശിക്ഷ വിധിച്ചത്.