ഡല്‍ഹി: തെരഞ്ഞെടുപ്പ് നടക്കുന്ന സംസ്ഥാനങ്ങളില്‍ നിന്നായി 558 കോടി രൂപയുടെ വസ്തുവകകള്‍ പിടിച്ചെടുത്തെന്ന് തെരഞ്ഞെടുപ്പ് കമ്മീഷന്‍. മഹാരാഷ്ട്രയില്‍ നിന്നാണ് ഏറ്റവും കൂടുതല്‍ വസ്തുവകകള്‍ പിടിച്ചെടുത്തത്. ഇവിടെ നിന്ന് മാത്രം 280 കോടിയുടെ വസ്തുവകകള്‍ പിടിച്ചെടുത്തെന്ന് കമ്മീഷന്‍ പറഞ്ഞു. നിയമസഭാ തിരഞ്ഞെടുപ്പ് നടക്കുന്ന മറ്റൊരു സംസ്ഥാനമായ ജാര്‍ഖണ്ഡില്‍ നിന്ന് ഇതുവരെ 158 കോടി രൂപയുടെ വസ്തുവകകള്‍ പിടിച്ചെടുത്തെന്നും കമ്മീഷന്‍ വ്യക്തമാക്കി.
Also Read:മുഡ ഭൂമി അഴിമതിക്കേസ്; മുഖ്യമന്ത്രിയെന്ന പരിഗണന വേണ്ടെന്ന് പൊലീസിനോട് സിദ്ധരാമയ്യ
ഉപതെരഞ്ഞെടുപ്പ് നടക്കുന്ന കേരളമടക്കമുള്ള 14 സംസ്ഥാനങ്ങളില്‍ നിന്നായി 118.01 കോടി രൂപയുടെ വസ്തു വകകളും പിടിച്ചെടുത്തു. 8.9 കോടി രൂപ പണമായും 7.63 കോടിയുടെ മദ്യവും 21.47 കോടിയുടെ ലഹരിവസ്തുക്കളും 9.43 കോടിയുടെ വിലപിടിപ്പുള്ള ലോഹങ്ങളും 70.59 കോടിയുടെ സൗജന്യമായി എത്തിച്ച വസ്തുക്കളുമാണ് ഇവിടങ്ങളില്‍ നിന്ന് പിടിച്ചെടുത്തതെന്നും തെരഞ്ഞെടുപ്പ് കമ്മീഷന്‍ വിവരിച്ചു. പരിശോധനകള്‍ തുടരുകയാണെന്നും കമ്മീഷന്‍ വ്യക്തമാക്കി.
