പ്രവാസിയെ മരിച്ച നിലയിൽ കണ്ടെത്തി

റിയാദ്: റിയാദിലെ താമസസ്ഥലത്ത് തമിഴ്നാട് സ്വദേശിയെ മരിച്ച നിലയിൽ കണ്ടെത്തി. തഞ്ചാവൂർ അതിരംപട്ടിണം സ്വദേശി ശൈഖ് ദാവൂദ് (53) ആണ് ബത്ഹ ശാര റെയിലിലെ റൂമിൽ മരിച്ച നിലയിൽ കണ്ടെത്തിയത്. ഇക്കഴിഞ്ഞ ഞായറാഴ്ചക്ക് ശേഷം വിവരമൊന്നുമില്ലാതായതിനെ തുടർന്ന് സുഹൃത്തുക്കൾ അന്വേഷിച്ച് ചെന്നപ്പോൾ മുറിയിലെ കിടക്കയിൽ മരിച്ച നിലയിൽ കണ്ടെത്തുകയായിരുന്നു. അന്ന് രാത്രി ഉറങ്ങാൻ കിടുന്നതാണെന്നാണ് വിവരം. ശൈഖ് ദാവൂദ് ഒറ്റക്കായിരുന്നു മുറിയിൽ കിടന്നത്. മൃതദേഹം റിയാദിൽ ഖബറടക്കും. ഔദ്യോഗിക നടപടികൾ പൂർത്തീകരിക്കാൻ റിയാദ് കെ.എം.സി.സി വെൽഫെയർ വിങ് നേതാക്കളായ റഫീഖ് പുല്ലൂർ, ഷറഫ് പുളിക്കൽ എന്നിവർ നേതൃത്വം നൽകും. നൈന മൂസയാണ് ശൈഖ് ദാവൂദിെൻറ പിതാവ്. മാതാവ്: ജൈന ബീഗം, ഭാര്യ: ഖാദർ നാസിയ, മക്കൾ: മുഹമ്മദ്‌ നിയാസ്, അസ്റ.