മസ്കറ്റ്: ഒമാനിലെ ഹജ്ജ് കാര്യ സമിതി ആദ്യ യോഗം ചേർന്നു. വരുന്ന സീസണുമായി ബന്ധപ്പെട്ട കാര്യങ്ങൾ ചർച്ച ചെയ്യാനാണ് യോഗം ചേർന്നത്. എൻഡോവ്മെന്റ് -മതപരമായകാര്യങ്ങളുടെ അണ്ടർസെക്രട്ടറി ഹമ്മദ് ബിൻ സാലിഹ് അൽ റാഷിദിയുടെ അധ്യക്ഷതയിലായിരുന്നു യോഗം.
സീസണിലെ പ്ലാനുകളും ഷെഡ്യൂളും അവലോകനം ചെയ്യുകയും അംഗീകരിക്കുന്നതിലുമാണ് യോഗം ശ്രദ്ധ കേന്ദ്രീകരിച്ചത്. ഹജ്ജ് സീസണുമായി ബന്ധപ്പെട്ട ഏറ്റവും പുതിയ സംഭവവികാസങ്ങൾ കമ്മിറ്റി ചർച്ച ചെയ്തു. വരുന്ന സീസണിൽ 14,000 തീർഥാടകരായി ഒമാന്റെ അംഗീകൃത ക്വാട്ട നിശ്ചയിച്ചിട്ടുണ്ട്.