തിരുവനന്തപുരം: വാഹനാപകടത്തിൽ പരുക്കേറ്റയാളെ റോഡരികിലെ മുറിക്കുള്ളിൽ പൂട്ടിയിട്ട് കൊലപ്പെടുത്തിയ കേസിൽ യുവാവ് പിടിയിൽ. വെള്ളറട കലിങ്ക് നട സ്വദേശിയായ സുരേഷിനെയാണു മുറിക്കുള്ളിൽ മരിച്ചനിലയിൽ സെപ്റ്റംബർ 11ന് കണ്ടെത്തിയത്. വെള്ളറട സ്വദേശി അതുൽ ദേവ് (22) ആണ് ഇപ്പോൾ പോലീസിന്റെ പിടിയിലായത്.
പ്രദേശത്തുനിന്നും ഉയർന്നു വന്ന ദുർഗന്ധത്തെ തുടർന്ന്, നാട്ടുകാർ സ്ഥലത്തെത്തി ജനാലവഴി നോക്കിയപ്പോഴാണ് മൃതദേഹം കണ്ടെത്തിയത്. സെപ്റ്റംബർ ഏഴിനായിരുന്നു അപകടം. സുരേഷ് വാടകയ്ക്കു താമസിച്ചിരുന്ന മുറിയിൽ ത്തന്നെയായിരുന്നു മൃതദേഹം. ആ മുറിക്കു തൊട്ടുമുൻപിലായിരുന്നു അപകടം നടന്നത്. മൃതദേഹം മുറിക്കുള്ളിൽ വച്ചശേഷം പുറത്തുനിന്നു പൂട്ടുകയും ചെയ്തു.
Also Read : ഡിജിറ്റല്‍ അറസ്റ്റ് തട്ടിപ്പിൽ ഇന്ത്യക്കാര്‍ക്ക് നഷ്ടമായത് 120.30 കോടി രൂപ
റോ‍ഡരികിൽ നിന്ന സുരേഷിനെ വാഹനം ഇടിച്ചിടുകയായിരുന്നുവെന്നാണ് വിവരം. വെള്ളറട പൊലീസ് നടത്തിയ അന്വേഷണത്തിലാണ് ഒന്നരമാസത്തിനുശേഷം പ്രതിയെ പിടികൂടിയത്.
