മലയാളത്തിലെ നിരവധി താരങ്ങൾ അടങ്ങിയ പുതിയ ചിത്രം ‘ഒരുമ്പെട്ടവന്റെ’ മോഷൻ പോസ്റ്റർ റിലീസ് ചെയ്തു. ഇന്ദ്രൻസ്, ജാഫർ ഇടുക്കി, ജോണി ആന്റണി, ഡയാന ഹമീദ്, ബേബി കാശ്മീർ എന്നിവരാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്. സംവിധായകൻ ലിജോ ജോസ് പെല്ലിശ്ശേരി, നടൻ ആസിഫലി എന്നിവരുടെ സോഷ്യൽ മീഡിയ ഹാൻഡൻസിലൂടെയാണ് ചിത്രത്തിൻറെ പോസ്റ്റർ പുറത്തിറക്കിയത്. ദീപാവലി ദിനത്തിൽ പുറത്തിറങ്ങിയ പോസ്റ്ററിൽ ഇന്ദ്രൻസ്,ജാഫർ ഇടുക്കി, ബേബി കാശ്മീര എന്നിവരെ പ്രേക്ഷകർക്ക് കാണാം.
ALSO READ: താൻ ഒരിക്കലും പാൻ മസാല ബ്രാൻഡുകളെ പ്രമോട്ട് ചെയ്യില്ല: കാർത്തിക് ആര്യൻ
ദക്ഷിണ കാശി പ്രൊഡക്ഷന്റെ ബാനറിൽ സുഗീഷ് മോൻ നിർമ്മിക്കുന്ന ചിത്രം സംവിധാനം ചെയ്യുന്നത് ഹരിനാരായണൻ കെ എം ആണ്. സുധീഷ്, ഐ എം വിജയൻ, അരുൺ നാരായണൻ, സുനിൽ സുഖദ, സിനോജ് വർഗ്ഗീസ്, കലാഭവൻ ജിന്റോ, ശിവദാസ് കണ്ണൂർ, ഗൗതം ഹരിനാരായണൻ, സുരേന്ദ്രൻ കാളിയത്ത്, സൗമ്യ മാവേലിക്കര,അപർണ്ണ ശിവദാസ്,വിനോദ് ബോസ് തുടങ്ങിയവരാണ് ചിത്രത്തിലെ മറ്റു പ്രമുഖ താരങ്ങൾ.
സിനിമയുടെ ഛായാഗ്രഹണം സെൽവ കുമാർ എസ് ആണ്. സുവർദ്ധൻ, അനൂപ് തൊഴുക്കര എന്നിവർ എഴുതിയ വരികൾക്ക് ഉണ്ണി നമ്പ്യാർ സംഗീതം നിർവഹിക്കുന്നു. വിജയ് യേശുദാസ്, ജാസി ഗിഫ്റ്റ്, സിത്താര കൃഷ്ണകുമാർ എന്നിവരാണ് സിനിമയിൽ ഗാനം ആലപിച്ചിരിക്കുന്നത്.
