ആമയിഴഞ്ചാൻ തോട്ടിൽ അപകടത്തിൽപ്പെട്ട് മരിച്ച ജോയിയുടെ അമ്മയ്ക്ക് നഗരസഭ വീട് വച്ച് നൽകുമെന്ന് തിരുവനന്തപുരം മേയർ ആര്യ രാജേന്ദ്രൻ. നഗരസഭയ്ക്ക് പുറത്താണ് ജോയിയുടെ കുടുംബം താമസിക്കുന്നത്. അതുകൊണ്ടു തന്നെ തീരുമാനം നഗരസഭ കൗൺസിൽ ചേർന്ന് ഔദ്യോഗികമായി അറിയിക്കും.നഗരസഭ പ്രവർത്തനങ്ങളുമായി മുന്നോട്ട് പോകും.
പൊതു സ്ഥലത്ത് മാലിന്യങ്ങൾ വലിച്ചെറിയരുത് എന്ന് പറയുന്ന അതേ സമയത്ത് റെയിൽവേ മാലിന്യ സംസ്കരണത്തിന് എന്ത് മാർഗ്ഗം സ്വീകരിക്കുന്നു എന്നുള്ളത് ഇതുവരെ വ്യക്തമാക്കിയിട്ടില്ലെന്നും മേയർ ചൂണ്ടിക്കാട്ടി. സമരം നടത്തുന്നത് രാഷ്ട്രീയ ലക്ഷ്യമുള്ളവരാണ്. നഗരസഭ ചെയ്യേണ്ടതെല്ലാം ചെയ്യുന്നുണ്ട്. സർക്കാരും ഒപ്പമുണ്ട്. അപകടമുണ്ടായപ്പോൾ പോലും രാഷ്ട്രീയ ലാഭം ഉണ്ടാക്കാൻ നോക്കിയവരാണ്. അവരാണ് സമരം ചെയ്യുന്നതെന്നും മേയർ ചൂണ്ടിക്കാട്ടി.
