പത്തനംതിട്ട: വനത്തില്‍ കുടുങ്ങിയ 20 ശബരിമല തീര്‍ത്ഥാടകരെ NDRF സംഘം വനത്തിന് പുറത്തെത്തിച്ചു. പുല്ലുമേട് വഴി എത്തിയ 20 തീര്‍ത്ഥാടകരാണ് വനത്തില്‍ കുടുങ്ങിയത്. പുല്ലുമേട് വഴി എത്തിയ 20 തീര്‍ത്ഥാടകരാണ് വനത്തില്‍ കുടുങ്ങിയത്. സംഘത്തിലെ രണ്ട് പേര്‍ക്ക് ശാരീരിക അസ്വസ്ഥ വന്നതോടെയാണ് തീര്‍ത്ഥാടകര്‍ വനത്തില്‍ കുടുങ്ങിയത്.
രാവിലെ 11 മണിക്കാണ് തീര്‍ഥാടക സംഘം സന്നിധാനത്തേക്ക് പുറപ്പെട്ടത്. സംഘത്തിലെ രണ്ട് പേര്‍ക്ക് ശാരീരിക അസ്വസ്ഥ വന്നതോടെ യാത്ര വളരെ വൈകി. രാത്രിയായതിനാല്‍ വനത്തിന് പുറത്തേക്ക് പോകാന്‍ സാധിക്കാതെവന്നു.
കുട്ടികള്‍ ഉള്‍പ്പെടയുള്ളവര്‍ തീര്‍ഥാടക സംഘത്തില്‍ ഉണ്ടായിരുന്നു. എന്‍ടിആര്‍എഫ് സംഘവും ഫയര്‍ഫോഴ്സും ചേര്‍ന്നാണ് രക്ഷപ്പെടുത്തിയത്. ഇവരെ സന്നിധാനം ആശുപത്രിയില്‍ എത്തിച്ചു പ്രാഥമിക ചികിത്സയും നല്‍കി. എല്ലാവരുടെയും ആരോഗ്യനില പൂര്‍ണ തൃപ്തികരമാണ്.
