തമിഴകത്തിന്റെ സൂര്യ നായകനായി വരാനിരിക്കുന്ന ചിത്രമാണ് കങ്കുവ. ‘കങ്കുവ’യിലെ പുതിയ ഗാനം റിലീസ് ചെയ്തു. ‘തലൈവനെ..’ എന്ന് തുടങ്ങുന്ന ഗാനത്തിന്റെ ലിറിക് വീഡിയോയാണ് റിലീസ് ചെയ്തിരിക്കുന്നത്. പ്രേക്ഷകന് ഗംഭീര ദൃശ്യവിരുന്ന് ഒരുക്കുന്നതാകും ഗാനമെന്നാണ് വീഡിയോയില്‍ നിന്നും വ്യക്തമാകുന്നത്. ദേവി ശ്രീ പ്രസാദ് ആണ് സംഗീതം ഒരുക്കിയിരിക്കുന്നത്. മദന്‍ കര്‍ക്കിയാണ് രചന.
Also Read: ‘ജ്യോതികയ്ക്ക് കരിയർ വീണ്ടെടുക്കാനുള്ള ബാലൻസ് തന്നത് മുംബൈ’; സൂര്യ പറയുന്നു…
അരവിന്ദ് ശ്രീനിവാസ്, ദീപക് ബ്ലൂ, ഷെന്‍ബാഗരാജ്, നാരായണന്‍ രവിശങ്കര്‍, ഗോവിന്ദ് പ്രസാദ്, ഷിബി ശ്രീനിവാസന്‍, പ്രസന്ന ആദിശേഷ, സായിശരണ്‍, വിക്രം പിട്ടി, അഭിജിത്ത് റാവു, അപര്‍ണ ഹരികുമാര്‍, സുസ്മിത നരസിംഹന്‍, പവിത്ര ചാരി, ലവിത ലോബോ, ദീപ്തി സുരേഷ്, ലത കൃഷ്ണ, പത്മജ ശ്രീനിവാസന്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. കങ്കുവ നവംബര്‍ 14ന് തിയറ്ററുകളില്‍ എത്തും.
അതേസമയം, ചിത്രത്തിന് യുഎ സര്‍ട്ടിഫിക്കറ്റാണ് ലഭിച്ചിരിക്കുന്നത്. രണ്ട് മണിക്കൂര്‍ 34 മിനിറ്റാണ് കങ്കുവയുടെ ദൈര്‍ഘ്യം. സിരുത്തൈ ശിവ സംവിധാനം ചെയ്യുന്ന ചിത്രമാണ് കങ്കുവ. ദേവി ശ്രീ പ്രസാദാണ് ചിത്രത്തിന്റെ സംഗീതം ഒരുക്കിയിരിക്കുന്നത്. പ്രഖ്യാപനം മുതല്‍ ശ്രദ്ധനേടിയ ചിത്രം രണ്ട് ഭാഗങ്ങളായാണ് തിയറ്ററുകളില്‍ എത്തുക. ബോബി ഡിയോള്‍ ചിത്രത്തില്‍ വില്ലന്‍ വേഷത്തില്‍ എത്തുന്നുണ്ട്. സ്റ്റുഡിയോ ഗ്രീന്‍, യുവി ക്രിയേഷന്‍സ് എന്നിവയുടെ ബാനറില്‍ കെ ഇ ജ്ഞാനവേല്‍ രാജ, വി വംശി കൃഷ്ണ റെഡ്ഡി, പ്രമോദ് ഉപ്പളപതി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
