കോഴിക്കോട്: കോഴിക്കോട് കുറ്റ്യാടിയിൽ കാറിൽ ഇരിക്കുകയായിരുന്ന യുവാവിന് മർദനം. കഴിഞ്ഞദിവസം കുറ്റ്യാടി മരുതൻകര റോഡിൽ കാറിൽ ഇരിക്കുകയായിരുന്ന യുവാവിനെ ഒരു സംഘം ആളുകളെത്തി കാറിൽ നിന്നും വലിച്ചിറക്കി മർദിക്കുകയായിരുന്നു. സംഘത്തിൽ ഒരാൾ മുഖംമൂടി ധരിച്ചിരുന്നു. മണിയൂർ സ്വദേശി മുഹമ്മദിനാണ് മർദനമേറ്റത്. മുഹമ്മദിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
നേരത്തെ ഇവർക്കിടയിൽ തർക്കമുണ്ടായിരുന്നതായും ഇതിനെ തുടർന്നാണ് മർദ്ദനം നടന്നതെന്നും പൊലീസ് പറഞ്ഞു. തർക്കം ഒഴിവാക്കുന്നത്തിന്റെ പേരിൽ മധ്യസ്ഥ ശ്രമങ്ങൾക്ക് വിളിച്ചുവരുത്തിയാണ് വീണ്ടും യുവാവിന് നേരെ ആക്രമണമുണ്ടായത്. നിലവിൽ കണ്ടാൽ അറിയാവുന്ന 10 പേർക്കെതിരെ കുറ്റ്യാടി പൊലീസ് കേസെടുത്തു. യുവാവിനെ കാറിൽ നിന്ന് വലിച്ചിറക്കുന്നതും മർദിക്കുന്നതുമായ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
