സ്ലിംഗ് ബാഗ് ഉപയോഗിക്കാന്‍ ഇഷ്ടമുള്ളവരാണ് നിങ്ങള്‍ എങ്കില്‍, അല്ലെങ്കില്‍ പതിവായി സ്ലിംഗ് ബാഗ് ഉപയോഗിക്കുന്നവരാണ് നിങ്ങള്‍ എങ്കില്‍ തീര്‍ച്ചയായും അറിഞ്ഞിരിക്കേണ്ടതും മനസ്സിലാക്കേണ്ടതുമായ കുറച്ച് കാര്യങ്ങള്‍ ഇതാ. ഇന്ന് വസ്ത്രങ്ങളുടെ കൂടെ സ്റ്റൈല്‍ ചെയ്യാന്‍ വേണ്ടിയാണ് പലരും സ്ലിംഗ് ബാഗ് ഉപയോഗിക്കുന്നത്. എന്നാല്‍, സ്ലിംഗ് ബാഗിന് നിരവധി ഗുണങ്ങളുണ്ട്. അതുപോലെ തന്നെ ഇത് ഉപയോഗിക്കേണ്ട ചില രീതികളുമുണ്ട്. പലപ്പോഴും പലരും ഇത് അറിയാതെയാണ സ്ലിംഗ് ബാഗ് ഉപയോഗിക്കുന്നത്. അവ എന്തെല്ലാമെന്ന് നോക്കാം. സാധാരണ നമ്മള്‍ ഉപയോഗിക്കുന്ന ഹാന്റ്ബാഗില്‍ നിന്നും വലുപ്പത്തിലും അതുപോലെ തന്നെ ലുക്കിലും സ്ലിംഗ് ബാഗ് വ്യത്യസ്തമാണ്. നമ്മള്‍ക്ക് ഒന്ന് പുറത്ത് പോകണമെങ്കില്‍ വലിയ ബാഗും തൂക്കി പോകുന്നതിനേക്കാള്‍ ഏറ്റവും നല്ലത് സ്ലിംഗ് ബാഗ് എടുക്കുന്നതാണ്. അത് സ്ത്രീകള്‍ക്കായാലും അതുപോലെ തന്നെ പുരുഷന്മാര്‍ക്കായാലും സ്ലിംഗ് ബാഗ് ഉപയോഗിക്കുന്നതാണ് കുറച്ചും കൂടെ നല്ലത്. ഇതില്‍ നമ്മള്‍ക്ക് വേണ്ട അത്യാവശ്യം സാധനങ്ങള്‍ കരുതാന്‍ സാധിക്കും.
അതുപോലെ നമ്മള്‍ക്ക് വസ്ത്രത്തിന് ചേരുന്ന വിധത്തില്‍ സ്ലിംഗ് ബാഗ് സ്റ്റൈല്‍ ചെയ്യാവുന്നതാണ്. പലവിധത്തില്‍ പല നിറത്തില്‍ ഇന്ന് സ്ലിംഗ് ബാഗ് ലഭ്യമാണ്. അതുപോലെ നമ്മള്‍ക്ക് ഒരു വശത്ത് തൂക്കി ഇടാം. അല്ലെങ്കില്‍ ക്രോസ്സ് ചെയ്തും നമ്മള്‍ക്ക് സ്ലിംഗ് ബാഗ് ഉപയോഗിക്കാവുന്നതാണ്. വളരെ ഫ്രീയായി നടക്കാനും അതുപോലെ അധികം ഭാരം ചുമക്കാതെ യാത്ര ചെയ്യാനും സ്ലിംഗ ബാഗ് ഉപയോഗിക്കുന്നത് സഹായിക്കുന്നുണ്ട്. പലരും സ്ലിംഗ് ബാഗ് സാധാ ഹാന്റ് ബാഗ് പോലെ തന്നെ ഉപയോഗിക്കുന്നത് കാണാം. സ്ലിംഗ് ബാഗ് അധികം ഭാഗമില്ലാത്ത സാധനങ്ങള്‍ സൂക്ഷിക്കാനും നമ്മള്‍ക്ക് അത്യാവശ്യ സാധനങ്ങള്‍ സൂക്ഷിക്കാനും മാത്രമാണ് ഉപയോഗിക്കാന്‍ സാധിക്കുക. ഇത് നിര്‍മ്മിച്ചിരിക്കുന്നതും അത്തരത്തിലാണ്. ഒറ്റ വള്ളിയില്‍ ചെറിയ വലുപ്പത്തില്‍ നിര്‍മ്മിച്ചിരിക്കുന്ന സ്ലിംഗ് ബാഗില്‍ അത്യാവശ്യത്തിനുള്ള ചെറിയ പൈസ, അതുപോലെ, എന്തെങ്കിലും അത്യാവശ്യം മേയ്ക്കപ്പ് സാധനങ്ങള്‍ ടിഷ്യൂ എന്നിങ്ങനെ അധികം ഭാരമില്ലാത്ത സാധനങ്ങള്‍ സൂക്ഷിക്കാന്‍ ശ്രദ്ധിക്കേണ്ടത് അനിവാര്യമാണ്. ഇല്ലെങ്കില്‍ സ്ലിംഗ് ബാഗ് വേഗത്തില്‍ തന്നെ പൊട്ടിപോകാന്‍ കാരണമാകുന്നു. അല്ലെങ്കില്‍ ചിലപ്പോള്‍ ബാഗ് കീറാനും വേഗത്തില്‍ അതിന്റെ ലുക്ക് നശിക്കാനും കാരണമാണ്.
അതുപോലെ എണ്ണമയം ഉള്ള സാധനങ്ങള്‍ ഒരിക്കലും നിങ്ങളുടെ സ്ലിംഗ് ബാഗില്‍ സൂക്ഷിക്കാന്‍ പാടുള്ളതല്ല. ഇത് ബാഗില്‍ എണ്ണമയം ആകുന്നതിന് കാരണമാകുന്നുണ്ട്. അതുപോലെ തന്നെ ബാഗിന്റെ ലുക്ക് നശിക്കാനും വേഗത്തില്‍ തന്നെ കീറിപോകാനും ഇത് കാരണമാകുന്നു. അതുപോലെ ബാഗില്‍ നിന്നും ദുര്‍ഗന്ധം വരുന്നതിനും, ബാഗിലെ മറ്റ് സാധനങ്ങളിലേയ്ക്ക് ഈ എണ്ണമയം വേഗത്തില്‍ പടരുന്നതിനും കാരണമാണ്. അതിനാല്‍, കറികള്‍, ഭക്ഷണ സാധനങ്ങള്‍ എന്നിവ ഒരിക്കലും സ്ലിംഗ് ബാഗില്‍ സൂക്ഷിക്കരുത്. അതുപോലെ നല്ല ഭാരമുള്ള ഇലക്ടോണിക് ഉപകരണങ്ങള്‍ സ്ലിംഗ് ബാഗില്‍ ഉപയോഗിക്കുന്നത് നല്ലതല്ല. അതുപോലെ, ഒരു വട്ടം സ്ലിംഗ് ബാഗ് ഉപയോഗിച്ചാല്‍ നല്ലപോലെ തുടച്ച് വെക്കാന്‍ ശ്രദ്ധിക്കണം. ഇത് അഴുക്ക് പിടിക്കാതിരിക്കാന്‍ സഹായിക്കുന്നതാണ്. അതുപോലൈ, വെള്ളം നനയാതിരിക്കാന്‍ ശ്രദ്ധിക്കണം. വെള്ളം നനഞ്ഞാല്‍ അത് ഉണക്കിയതിന് ശേഷം മാത്രം അലമാരയില്‍ എടുത്ത് വെക്കാവുന്നതാണ്. ഇത്രയും കാര്യങ്ങള്‍ കൃത്യമായി ശ്രദ്ധിച്ചാല്‍ മാത്രമാണ് സ്ലിംഗ് ബാഗ് ദീര്‍ഘകാലം സൂക്ഷിക്കാന്‍ സാധിക്കുക.
സ്ലിംഗ് ബാഗ് ഉപയോഗിക്കാന്‍ വളരെ എളുപ്പമാണ്. അതുപോലെ തന്നെ മറ്റ് ബാഗുകളില്‍ നിന്നു വെച്ച് നോക്കുമ്പോള്‍ വളരെ കംഫര്‍ട്ടബിളായി തന്നെ നമ്മള്‍ക്ക് കൊണ്ട് നടക്കാന്‍ സാധിക്കുന്നതാണ്. എന്നാല്‍, ഇതിന്റെ ഏറ്റവും വലിയ ദോഷവശം എന്താണെന്ന് വെച്ചാല്‍ ഈ ബാഗിന്റെ എല്ലാ ഭാരവും ഷോള്‍ഡറില്‍ വരുന്നതിനാല്‍, ഇത് ഷോള്‍ഡര്‍ പെയ്ന്‍, അതുപോലെ, പുറം വേദന എന്നിങ്ങനെയുള്ള ആരോഗ്യ പ്രശ്നങ്ങള്‍ വരുന്നതിന് കാരണമാണ്. അതിനാല്‍, അമിതമായി സ്ലിംഗ് ബാഗ് ഉപയോഗിക്കാതിരിക്കാം. ബാക് ബാഗ് ഉപയോഗിക്കുന്നതാണ് കുറച്ചും കൂടെ നല്ലത്. അതുപോലെ, സ്ലിംഗ് ബാഗ് ഉപയോഗിക്കാണെങ്കില്‍ ഒരിക്കലും ഭാരം അമിതമാകാതെ കൊണ്ട് നടക്കണം. ഭാരം കൂടുന്നത് ശരീരത്തിന്റെ ഷേയ്പ്പ് നഷ്ടപ്പെടാനും അതുപോലെ തന്നെ നല്ല ഷോള്‍ഡര്‍ പെയ്ന്‍ വരാനും ഇത് കാരണമാകുന്നുണ്ട്. അതിനാല്‍, വളരെ ലൈറ്റ് വേയ്റ്റ് ആയിട്ടുള്ള സാധനങ്ങള്‍ മാത്രം സൂക്ഷിക്കാന്‍ ശ്രദ്ധിക്കുന്നത് നല്ലതാണ്. ഇടയ്ക്ക വല്ലപ്പോഴും മാത്രം സ്ലിംഗ് ബാഗ് ഉപയോഗിക്കാന്‍ ശ്രദ്ധിക്കണം. ഇതും ശാരീരിക ബുദ്ധിമുട്ടുകള്‍ കുറയ്ക്കാന്‍ സഹായിക്കുന്നതാണ്. സ്ലിംഗ് ബാഗ് മാത്രമല്ല, ഹാന്റ്ഹാഗും ഇതേ പ്രശ്നങ്ങള്‍ നിങ്ങള്‍ക്ക് നല്‍കുന്നതാണ്
