പ്രഭാസിനെ നായകനാക്കി മാരുതി തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ദി രാജാ സാബ്’. മാളവിക മോഹനനാണ് ചിത്രത്തില്‍ നായികയായി എത്തുക. ഇപ്പോഴിതാ ചിത്രത്തിന്റെ പുതിയ അപ്‌ഡേറ്റാണ് ചര്‍ച്ചയായി മാറിയിരിക്കുന്നത്. ദ രാജാ സാബ് എന്ന ചിത്രത്തിലെ പ്രണയ ഗാനം യൂറോപ്പിലായിരിക്കുമെന്നതാണ് അപ്‌ഡേറ്റ്.
Also Read:എങ്ങനെയുണ്ട് ബേസിൽ-നസ്രിയ കോംബോ; ത്രില്ലടിപ്പിച്ച് ‘സൂക്ഷ്മദർശിനി’
ദ രാജാ സാബിന്റെ ഓഡിയോ റൈറ്റ്‌സ് ടി സീരീസിനാണ്. പീപ്പിള്‍ മീഡിയ ഫാക്റ്ററിയുടെ ബാനറില്‍ ടി കെ വിശ്വ പ്രസാദ് ആണ് ചിത്രത്തിന്റെ നിര്‍മ്മാണം. തമന്‍ എസ് ആണ് സംഗീതം. കാര്‍ത്തിക് പളനിയാണ് സിനിമയ്ക്കായി ക്യാമറ ചലിപ്പിക്കുന്നത്. 2025 ഏപ്രില്‍ 10 നാണ് സിനിമ ആഗോളതലത്തില്‍ തിയേറ്ററുകളിലെത്തുക. തെലുങ്കിന് പുറമെ ഹിന്ദി, തമിഴ്, കന്നഡ, മലയാളം ഭാഷകളിലും ചിത്രം റിലീസ് ചെയ്യും.
