ചെങ്ങന്നൂർ: നാഗവിളക്ക് മോഷ്ടിച്ച് കുളത്തിൽ ഉപേക്ഷിച്ച നഗരസഭാ കൗൺസിലറടക്കം മൂന്നുപേർ പിടിയിലായി. ചെങ്ങന്നൂര് നഗരസഭ കൗൺസിലറും കേരള കോൺഗ്രസ് ജോസഫ് വിഭാഗം സംസ്ഥാന ഉപാധ്യക്ഷനുമായ തിട്ടമേൽ കണ്ണാട്ട് വീട്ടിൽ രാജൻ കണ്ണാട്ട് എന്ന തോമസ് വര്ഗീസ് (66), തിട്ടമേൽ കൊച്ചുകുന്നുംപുറത്ത് രാജേഷ്, പാണ്ടനാട് കീഴ്വന്മഴി കളക്കണ്ടത്തിൽ കുഞ്ഞുമോൻ (49) എന്നിവരെയാണ് പൊലീസ് അറസ്റ്റ് ചെയ്തത്.
ചെങ്ങന്നൂർ റെയിൽവേ സ്റ്റേഷന് റോഡിൽ നിന്നും വണ്ടിമല ദേവീക്ഷേത്രത്തിലേക്കുള്ള വഴിയരികിൽ സ്ഥാപിച്ചിരുന്ന ശിലാനാഗവിളക്കാണ് പ്രതികൾ ഇളക്കിയെടുത്ത് പെരുങ്കുളം കുളത്തിൽ ഉപേക്ഷിച്ച നിലയിൽ കണ്ടെത്തിയത്.
പ്രതികളിലൊരാളായ രാജന് ക്ഷേത്രത്തിന്റെ വകയുള്ള ശിലാനാഗവിളക്ക് രാജേഷ് കുഞ്ഞുമോൻ എന്നിവർക്ക് പണം നൽകി മോഷണം നടത്തുകയായിരുന്നു.പിന്നീട് ശിലാവിളക്ക് പെരുങ്കുളം ഭാഗത്തെ കുളത്തിൽ ഉപേക്ഷിച്ച് കടന്നു കളഞ്ഞു.