കൊല്ലം: ഓടിക്കൊണ്ടിരുന്ന സ്വകാര്യ ബസിൽ നിന്നും തെറിച്ചു വീണ് വിദ്യാർഥിനിക്ക് പരിക്ക്. കൊട്ടാരക്കര പത്തിയൂരിൽ രാവിലെ ഒന്‍പതരയോടെയാണ് സംഭവം നടന്നത്. പൂത്തൂര്‍ കല്ലുംമൂട്ടില്‍ നിന്നുമാണ് സ്വകാര്യ ബസില്‍ വിദ്യാര്‍ത്ഥി കയറിയത്. ബസില്‍ തിരക്കുള്ളതിനാൽ ഡോറിന് സമീപമാണ് വിദ്യാര്‍ത്ഥി നിന്നിരുന്നത്. യാത്രക്കിടെ പെട്ടന്ന് റോഡിലേക്ക് തെറിച്ച് വീഴുകയായിരുന്നു. വീണതിനെ തുടര്‍ന്ന് വിദ്യാര്‍ത്ഥിനിയുടെ തലയ്ക്ക് പരുക്കേറ്റിട്ടുണ്ട്. പരുക്കേറ്റ കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു.
ഡ്രൈവര്‍ക്ക് തുറക്കാന്‍ സാധിക്കുന്ന ഓട്ടോമാറ്റിക്ക് ഡോറാണ് ബസിനുണ്ടായിരുന്നത്. അപകടത്തിന് കാരണം എന്താണെന്ന് വ്യക്തമായിട്ടില്ല. സ്വകാര്യ ബസും രണ്ട് ജീവനക്കാരെയും പുത്തൂർ പൊലീസ് കസ്റ്റഡിയിലെടുത്തു
