ആരാധർ ഏറെ ആകാംക്ഷയോടെ കാത്തിരുന്ന പുഷ്പ 2: ദ റൂളിന് ഇനി ദിവസങ്ങൾ മാത്രം. ചിത്രത്തിന്റെ ട്രെയിലര്‍ ഇന്ന് വൈകിട്ട് വൈകിട്ട് 6.30ന് പുറത്തിറയങ്ങും. പാട്‌നയിലെ ഗാന്ധി മൈതാനില്‍ വൈകീട്ട് അഞ്ചിന് ആഘോഷമായി ട്രെയിലര്‍ റിലീസിങ് ചടങ്ങും നടക്കും. ഡിസംബര്‍ അഞ്ചിനാണ് പുഷ്പ തിയേറ്ററുകളിലെത്തുക.
ഇ ഫോര്‍ എന്റര്‍ടെയ്ന്‍മെന്റ്‌സിനാണ് ചിത്രം കേരളത്തിൽ പ്രദർശിപ്പിക്കാനുള്ള അവകാശം. സിനിമ ഇറങ്ങുന്നതിന് ഒരു മാസം മുമ്പേ കേരളത്തിലെ പുഷ്പ 2 ഫാന്‍സ് ഷോ ടിക്കറ്റുകള്‍ വിറ്റ് തീര്‍ന്നിരിക്കുകയാണ്. ‘പുഷ്പ: ദ റൂള്‍’ ഡിസംബര്‍ അഞ്ചു മുതല്‍ കേരളക്കരയിലെ തിയേറ്ററുകളില്‍ 24 മണിക്കൂറും പ്രദര്‍ശനമുണ്ടാകുമെന്ന് ഇ ഫോര്‍ എന്റര്‍ടെയ്ന്‍മെന്റ്‌സ് സാരഥി മുകേഷ് ആര്‍. മേത്ത അടുത്തിടെ അറിയിച്ചിരുന്നു.
Also Read: ധനുഷ് ഏകാധിപതിയോ; ശിവകാര്‍ത്തികേയന്റെ വീഡിയോ വീണ്ടും വൈറലാകുന്നു
‘പുഷ്പ: ദ റൈസി’ന്റെ രണ്ടാം ഭാഗമായെത്തുന്ന ‘പുഷ്പ 2: ദ റൂള്‍’ ബോക്‌സ് ഓഫീസിൽ തരംഗമായിരിക്കുമെന്നാണ് ആരാധകരുടെ പ്രതീക്ഷ. രണ്ടാം ഭാഗത്തില്‍ സമാനതകളില്ലാത്ത ദൃശ്യാനുഭവം പ്രേക്ഷകര്‍ക്ക് അനുഭവവേദ്യമാക്കാനായാണ് ഐക്കണ്‍ സ്റ്റാര്‍ അല്ലു അര്‍ജുനും സെന്‍സേഷണല്‍ സംവിധായകന്‍ സുകുമാറും പദ്ധതിയിടുന്നത്. ആദ്യ ഭാഗത്തിന്റെ അപാരമായ ജനപ്രീതിയെ തുടര്‍ന്ന് അല്ലു അര്ജുന് ടൈറ്റില്‍ റോളില്‍ എത്തുന്ന രണ്ടാം ഭാഗവും ഒരു വലിയ ബോക്‌സ് ഓഫീസ് പ്രതിഭാസമാകുമെന്നാണ് ആരാധകരുടെ പ്രതീക്ഷ.
സുകുമാര്‍ സംവിധാനം ചെയ്ത ‘പുഷ്പ ദ റൈസ്’ ആദ്യഭാഗം രണ്ട് ദേശീയ ചലച്ചിത്ര പുരസ്‌കാരങ്ങളും ഏഴ് സംസ്ഥാന ചലച്ചിത്ര പുരസ്‌കാരങ്ങളും നേടിയിരുന്നു. ചിത്രത്തില്‍ അല്ലു അര്ജുന് പുറമെ രശ്മിക മന്ദാന, ഫഹദ് ഫാസില്‍, സുനില്‍, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളായുള്ളത്.
