തൃശൂര്: ട്രെയിനിന്റെ എന്ജിനും ബോഗിയും തമ്മില് വേര്പെട്ടു. ചെറുതുരുത്തി വള്ളത്തോള് നഗറിലാണ് സംഭവം. എറണാകുളം – ടാറ്റാ നഗര് എക്സ്പ്രസ് ട്രെയിനിന്റെ എന്ജിനാണ് ബോഗിയില്നിന്ന് വേര്പെട്ടത്.
ട്രെയിനിനു വേഗം കുറവായതിനാല് അപകടം ഒഴിവായി. എന്ജിന് ഘടിപ്പിക്കുന്നതിനുള്ള ശ്രമങ്ങള് തുടങ്ങി. ബോഗിയും എന്ജിനും വേര്പെടാനുണ്ടായ കാരണമെന്തെന്നു വ്യക്തമല്ല. ഇതു സംബന്ധിച്ച് അന്വേഷണം നടത്തുമെന്ന് റെയില്വേ അറിയിച്ചു.
