ഷറഫുദ്ദീന്‍, ഐശ്വര്യ ലക്ഷ്മി എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രമാണ് ‘ഹലോ മമ്മി’. ഹാങ്ങ് ഓവര്‍ ഫിലിംസും എ ആന്‍ഡ് എച്ച് എസ് പ്രൊഡക്ഷനും ചേര്‍ന്ന് നിര്‍മ്മിക്കുന്ന ‘ഹലോ മമ്മി’ ഫാന്റസി കോമഡി ജോണറില്‍ ഒരുങ്ങുന്ന ചിത്രമാണ്. ‘ഹലോ മമ്മി’യിലെ കല്യാണപ്പാട്ട് റിലീസ് ചെയ്തു. ജേക്സ് ബിജോയ് സംഗീതം നല്‍കിയ ഗാനം ആലപിച്ചിരിക്കുന്നത് ഡബ്സി, സിയ ഉള്‍ ഹഖ്, ജേക്സ് ബിജോയ് എന്നിവര്‍ ചേര്‍ന്നാണ്. ചിത്രം നവംബര്‍ 21 ന് തിയറ്ററുകളില്‍ എത്തും.
നവാഗതനായ വൈശാഖ് എലന്‍സ് സംവിധാനം ചെയ്യുന്ന ചിത്രം കേരളത്തില്‍ വിതരണത്തിക്കുന്നത് ഡ്രീം ബിഗ് പിക്‌ച്ചേഴ്‌സ് ആണ്. വമ്പന്‍ മലയാളം ചിത്രങ്ങളുടെയും ബിഗ് ബജറ്റ് ബഹുഭാഷാ സിനിമകളുടെയും വിതരണമേറ്റെടുത്ത് പല കുറി വിജയം കുറിച്ച ഡ്രീം ബിഗ് പിക്‌ച്ചേഴ്‌സ് കേരളത്തിലെ മുന്‍നിര സിനിമാ വിതരണ കമ്പനികളില്‍ ഒന്നാണ്.
ALSO READ:‘ആശയം മാറ്റി പുതിയ ചിന്തയുമായി സന്ദീപ് വാര്യര്‍ വന്നാല്‍ സ്വീകരിക്കാം’: ബിനോയ് വിശ്വം
ചിത്രത്തിന്റെ ജി സി സി ഓവര്‍സീസ് ഡിസ്ട്രിബ്യൂഷന്‍ റൈറ്‌സ് കരസ്ഥമാക്കിയിരിക്കുന്നത് ഫാഴ്‌സ് ഫിലിംസാണ്. സാന്‍ജോ ജോസഫ് ആണ് ചിത്രത്തിന്റെ കഥയും തിരക്കഥയും ഒരുക്കുന്നത്. നടന്‍ സണ്ണി ഹിന്ദുജ പ്രധാന വേഷത്തില്‍ അഭിനയിക്കുന്ന ആദ്യ മലയാള ചിത്രം കൂടിയാണ് ഹലോ മമ്മി. പ്രവീണ്‍ കുമാറാണ് ഹലോ മമ്മിയുടെ ഛായാഗ്രഹണം നിര്‍വ്വഹിക്കുന്നത്. ചമന്‍ ചാക്കോയാണ് ചിത്രത്തിന്റെ എഡിറ്റര്‍.
അജു വര്‍ഗീസ്, ജഗദീഷ്, ജോണി ആന്റണി, ജോമോന്‍ ജ്യോതിര്‍, ബിന്ദു പണിക്കര്‍, അദ്രി ജോ, ശ്രുതി സുരേഷ്, ഗംഗ മീരാ എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. ജോമിന്‍ മാത്യു, ഐബിന്‍ തോമസ്, രാഹുല്‍ ഇ എസ് എന്നിവരാണ് ചിത്രത്തിന്റെ നിര്‍മ്മാതാക്കള്‍. സജിന്‍ അലി, നിസാര്‍ ബാബു, ദിപന്‍ പട്ടേല്‍ എന്നിവരാണ് ചിത്രത്തിന്റെ സഹനിര്‍മ്മാതാക്കള്‍.
