ന്യൂഡല്‍ഹി: അമിത ഭാരവും ജീവിത ശൈലി രോഗങ്ങളുടെ വര്‍ധനയും പ്രധാന മരണകാരണങ്ങളെന്ന് ലോകാരോഗ്യ സംഘടന(ഡബ്ല്യുഎച്ച്ഒ). ഇന്ത്യ ഉള്‍പ്പെടെ 11 രാജ്യങ്ങളിലെ ആരോഗ്യനയം പുനക്രമീകരിക്കണമെന്നും ഡബ്ല്യുഎച്ച്ഒ പറഞ്ഞു. പൊണ്ണത്തടിയും ജീവിത ശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാൻ സർക്കാൻ പുതിയൊരു നയം സ്വീകരിക്കണം.
ഇന്ത്യ കൂടാതെ ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക,തായ്‌ലന്‍ഡ്, എന്നിവിടങ്ങളില്‍ 5 വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസുവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും റിപ്പോര്‍ട്ടില്‍ പറയുന്നു.
Also Read: മതേതരത്വം യൂറോപ്യൻ ആശയം, ഇന്ത്യയ്ക്ക്‌ അത്‌ ആവശ്യമില്ല:വിവാദ പരാമർശവുമായി തമിഴ്‌നാട് ഗവർണർ
കുട്ടികളിലും മുതിര്‍ന്നവരിലും ആരോഗ്യകരമായ ഭക്ഷണക്രമങ്ങള്‍ വ്യായാമ ശീലവും പ്രോത്സാഹിപ്പിക്കണമെന്ന് ഡബ്ല്യുഎച്ച്ഒ നിര്‍ദേശിച്ചു. പഞ്ചസാര അടങ്ങിയ പാനീയങ്ങള്‍ക്ക് അധിക നികുതി ഏര്‍പ്പെടുത്തണം. അമിത അളവില്‍ കൊഴുപ്പ് അടങ്ങിയ ആഹാര പദാര്‍ഥങ്ങള്‍ എന്നിവ നിരോധിക്കണമെന്നുമാണ് നിര്‍ദേശം.
