തിരുവനന്തപുരം: മുലയൂട്ടിക്കൊണ്ടിരുന്ന യുവതിയുടെ ദൃശ്യങ്ങൾ മൊബൈലിൽ പകർത്തിയ യുവാവ് അറസ്റ്റിൽ. കഠിനംകുളം പുതുക്കുറിച്ചി സ്വദേശി നിഷാന്താണ് പിടിയിലായത്. വീടിന്റെ മതിൽ ചാടി വന്ന് പ്രതി മുലയൂട്ടുകയായിരുന്ന യുവതിയുടെ ദൃശ്യം ജനലിലൂടെ പകർത്തുകയായിരുന്നു. മൊബൈൽ ഫ്ലാഷ് കണ്ട യുവതി ബഹളം വെച്ചതോടെ പ്രതി ഓടി രക്ഷപെട്ടു.
യുവതിയുടെ വീട്ടുകാർ പോലീസിൽ പരാതിപ്പെടുകയായിരുന്നു. തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്. യുവാവ് പിടിച്ചുപറി, മാലപൊട്ടിക്കൽ, സ്ത്രീകളെ ഉപദ്രവിക്കൽ തുടങ്ങി നിരവധി കേസുകളിൽ പ്രതിയാണ്. ഇയാൾക്കെതിരെ കാപ്പചുമത്തി കേസെടുക്കുമെന്ന് പോലീസ് അറിയിച്ചു.
